व्यावसायिक शिक्षण व उद्योजकता कार्यशाळा संपन्न

चांदा ब्लास्ट प्रतिनिधी. डॉ. शेखर प्यारमवार

शालेय शिक्षण व क्रीडा विभाग तसेच राज्य शैक्षणिक संशोधन व प्रशिक्षण परिषद यांच्या संयुक्त विद्यमाने ‘व्यावसायिक शिक्षण व उद्योजकता शालेय समग्र शिक्षण अंतर्गत २०२५-२६ या शैक्षणिक वर्षासाठी विद्यार्थ्यांमध्ये करिअर मार्गदर्शन, कौशल्याधिष्ठित शिक्षण, उद्योजकता विकास व रोजगाराभिमुख दृष्टिकोन विकसित करण्याच्या उद्देशाने कार्यशाळा आयोजित सदर कार्यशाळेत तालुक्यातील माध्यमिक शाळेतील मुख्याध्यापक व एक शिक्षक यांना प्रशिक्षण देण्यात आले.

शिक्षणात आता व्यावसायिक अभ्यासक्रमांवर भर वाढविला जाणार आहे. त्यासाठी करिअर गायडन्स हॅन्डबुक आणि माय करिअर अॅडव्हायझर अॅप हे दोन नवे उपक्रम हाती घेण्यात आले आहे. त्यांची माहिती प्रत्येक शिक्षकापर्यंत पोहोचविण्यासाठी जिल्हा शिक्षण व प्रशिक्षण संस्था चंद्रपूर व पंचायत समिती सावली च्या वतीने विश्व शांती विद्यालय तथा कनिष्ठ महाविद्यालयात दोन दिवसीय तालुका स्तरीय कार्यशाळा आयोजित करण्यात आली होती.

कार्यशाळेत व्यावसायिक शिक्षणाच्या प्रभावी अंमलबजावणीसाठी अभ्यासक्रम समन्वय, स्थानिक उद्योगांशी संलग्नता, विद्यार्थ्यांसाठी करिअर नियोजन, कौशल्य विकास उपक्रमांची आखणी तसेच उद्योजकता संवर्धन या विषयांवर तज्ञ मार्गदर्शक विनोद मानापुरे व रवींद्र कुडकावार यांनी सखोल मार्गदर्शन केले.आयोजित या उपक्रमामुळे व्यावसायिक शिक्षण व उद्योजकता विषयक उपक्रमांना अधिक गती मिळेल, तसेच विद्यार्थ्यांना भविष्यातील करिअर संधींबाबत सक्षम मार्गदर्शन उपलब्ध होणार आहे.

आयोजित कार्यशाळा ही पंचायत समिती सावलीचे गटशिक्षणाधिकारी वैभव खांडरे यांच्या मार्गदर्शनात आणि सावली केंद्राचे केंद्रप्रमुख लोमेश बोरेवार यांच्या सहकार्याने यशस्वीरित्या पार पडले.