ग्रामीण भागात ग्राहक चळवळ प्रभावी होणे गरजेचे _ डॉ. नारायण मेहरे 

चांदा ब्लास्ट प्रतिनिधी. अविनाश नागदेवे

सर्वसामान्य ग्राहक वर्गाचे जागरणं करण्यासाठी ग्राहक पंचायतीचे काम शहरी भागा सोबतच ग्रामीण भागातही मोठ्या प्रमाणावर पोहोचण्याची आवश्यकता आहे*असे प्रतिपादन अखिल भारतीय ग्राहक पंचायतीचे विदर्भ प्रांताचे अध्यक्ष डॉ नारायण मेहरे यांनी येथे केले*. ग्राहक पंचायतीची विदर्भ प्रांत कार्यकारिणीची बैठक यवतमाळच्या मातोश्री वृद्धाश्रम निळोना येथे संपन्न झाली. बैठकीच्या समारोपप्रसंगी डॉ मेहरे बोलत होते. पश्चिम क्षेत्रीय संघटक नितीन काकडे, उपाध्यक्ष श्रीपाद भट्टलवार, विदर्भ संघटक अभय खेडकर, सचिव चारुदत्त चौधरी,जिल्हाध्यक्ष अनंत भिसे यावेळी मंचावर उपस्थित होते.

     *क्षेत्रीय संघटक श्री नितीन काकडे यांनी यावेळी बोलताना कार्यकर्त्यांनी सर्वसामान्य ग्राहकांच्या समस्या समजून घेवून त्यावर अभ्यासपूर्ण तोडगा काढण्यासाठी प्रयत्न करण्याची गरज असल्याचे प्रतिपादन केले. कार्यकर्त्यांनी संघटनात्मक शिस्त पाळणे अत्यंत आवश्यक असल्याचे प्रतिपादन सुद्धा त्यांनी केले. प्रांत संघटक अभय खेडकर यांनी विदर्भ प्रांतातील सर्व तालुक्यात संघटनेत क्रियाशील कार्यकर्ते जोडल्या गेले तरच ग्राहक जागृतीचे काम प्रभावीरीत्या केले जावू शकते असे सांगितले*.

*बैठकीच्या प्रारंभी मान्यवरांच्या हस्ते दीप प्रज्वलन झाल्यावर भारत माता, स्वामी विवेकानंद आणि ग्राहक पंचायतीचे संस्थापक ग्राहकतीर्थ स्व. बिंदुमाधव जोशी यांच्या प्रतिमांचे पूजन करण्यात आले. अमरावती जिल्हाध्यक्ष अशोक हांडे यांनी ग्राहक गीत सादर केले.जिल्हा उपाध्यक्ष डॉ कैलास वर्मा यांनी प्रास्ताविक केले. हितेश सेठ, जितेंद्र बंगाले,शेखर बंड, संतोष डोमाळे,विरेंद्र चौबे यांनी पाहुण्यांचे स्वागत केले*.

     *दिवसभर चाललेल्या या बैठकीत संघटनात्मक विषयासोबतच प्रांतातील ग्राहकांच्या विविध ज्वलंत समस्यांवर चर्चा करून काही महत्त्वपूर्ण निर्णय घेण्यात आले. महावितरणच्या मनमानी कारभाराला आवर घालण्यासाठी कृषी ग्राहकांच्या समस्यां संदर्भात शासनाकडे पाठपुरावा करण्याचाही निर्णय यावेळी घेण्यात आला. विद्युत कायद्यातील ग्राहकांवर होवू घातलेल्या अन्यायकारक वीज सुधारणा विरोधात महावितरणच्या जनसुनावणी मध्ये जास्तीत जास्त कार्यकर्त्यांनी सहभागी होण्याचा निर्णय सुद्धा यावेळी घेण्यात आला. वीज वितरण कंपनीचे कार्य समजून घेण्याच्या आवश्यकतेवर वाशीमचे सुधीर घोडचर यांनी भर दिला*.

*कार्यकर्त्यांच्या योग्य प्रशिक्षणा साठी संपूर्ण प्रांतात सर्वच जिल्ह्यात कार्यकर्ता अभ्यास वर्ग घेण्यात येणार असल्याचेही सचिव चारुदत्त चौधरी यांनी सांगितले*

*अकोल्याचे दिनेश पांडे, विजय बहाकर, वाशीमचे जुगल किशोर कोठारी, प्रांजळ जैन, चंद्रपूरच्या नंदिनी चुनारकर, संगीता लोखंडे, वसंत वरहाटे , वर्धेचे सतीश देशमुख किशोर मुटे, नागपूरचे संजय साळवे, प्रभाकर शिवणकर, तुकाराम लुटे, मधुकर पोटे अमरावतीचे डॉ.चंदनसिंग राजपूत इत्यादींनी चर्चेत महत्त्वपूर्ण सहभाग नोंदविला. संजय जोशी यांनी म्हटलेल्या शांतीमंत्राने बैठकीची सांगता झाली. प्रांत पदाधिकाऱ्यां सोबतच विदर्भातील विविध जिल्ह्यातील ग्राहक पंचायतीचे प्रमुख कार्यकर्ते बैठकीत उपस्थित होते.