निवडणूक प्रक्रिये करिता प्रशासन सज्ज

चांदा ब्लास्ट प्रतिनिधी. अतुल कोल्हे

            प्रदीर्घ कालावधीपर्यंत प्रशासकीय कारकिर्द असणाऱ्या नगर परिषद भद्रावती ला नगराध्यक्षा सह प्रभाग निहाय नगरसेवक मिळण्याची प्रक्रिया अवघ्या दोन दिवसात संपून ३ डिसेंबर ला मतमोजणी नंतर अधिकृत विजयी उमेदवार घोषित होणार आहे.

२ तारखेला मतदान प्रक्रिया आणि ३ तारखेला मतमोजणी प्रक्रिया पूर्ण करण्यासाठी निवडणूक आयोगाने जवळपास ५०० कर्मचारी नेमले आहेत.

शहरातील विविध ३२ इमारतीत ६३ मतदान केंद्रे राहतील. पोलिंग बूथ पार्टी ६३ सह प्रसंगी राखीव पथके म्हणून ९ पथके तैनात करण्यात आली आहे.

झोनल ऑफिसर ०७ सह ३ डिसेंबर रोजी मतमोजणी करिता एकूण ९८ कर्मचारी मतमोजणी प्रक्रिया पार पाडतील.मतमोजणी केंद्रावर एक निवडणूक अधिकारी, एक सहाय्यक निवडणूक अधिकारी , एक अतिरिक्त सहाय्यक अधिकारी नेमल्या गेले आहेत.

निवडणुक प्रक्रिया शांततेत व सुरक्षित राखण्यासाठी पोलिस बंदोबस्तासह मतदान व मतमोजणी प्रक्रियेत तालुक्यातील सर्व शासकीय कार्यालयातील अधिकारी व कर्मचारी सहभागी राहतील.

असे नगर परिषद भद्रावती च्या मुख्याधिकारी डॉ. विशाखा शेळकी यांच्या वतीने कळविण्यात आले आहे.