श्री गणेश आरोग्य अभियानांतर्गत 1015 नागरिकांची आरोग्य तपासणी
चांदा ब्लास्ट
चंद्रपूर : गणेशोत्सवाच्या मंगलमय वातावरणात नागरिकांच्या आरोग्याची काळजी घेण्याच्या दृष्टीने मुख्यमंत्री सहाय्यता निधी व धर्मादाय रुग्णालय मदत कक्षाच्या पुढाकाराने राबविण्यात आलेल्या ‘श्रीगणेशा आरोग्याचा’ या विशेष मोहिमेअंतर्गत 1015 नागरिकांची मोफत आरोग्य तपासणी चंद्रपूर महानगरपालिका आरोग्य विभागातर्फे करण्यात आली.
28 ऑगस्ट ते 6 सप्टेंबर दरम्यान राबविण्यात आलेल्या या विशेष मोहिमेत मनपाच्या 7 प्राथमिक आरोग्य केंद्रांद्वारे 7 आरोग्य शिबिरांचे आयोजन करण्यात आले होते.या शिबिरांतून 307 पुरुष व 592 महिला तसेच 119 लहान बालके अश्या 1015 नागरिकांची मोफत आरोग्य तपासणी करण्यात आली.तपासणीदरम्यान आजार आढळलेल्या 10 रुग्णांना तज्ज्ञांकडे पुढील उपचाराकरिता पाठविण्यात आले. तसेच, नागरिकांनी मोठ्या संख्येने रक्तदान करून सामाजिक जबाबदारी पार पाडली असून 234 रक्तदात्यांनी रक्तदान केले.
तपासणीदरम्यान आजार आढळलेल्या 10 रुग्णांना पुढील मोफत उपचार दिले जाणार असल्याचे वैद्यकीय आरोग्य अधिकारी डॉ. नयना उत्तरवार यांनी सांगितले या शिबिरांत न्यू बाल गणेश मंडळ,हनुमान नगर गणेश मंडळ,याहू गणेश मंडळ,बाल बलवंत गणेश मंडळ,आदर्श विद्यार्थी गणेश मंडळ,एकता गणेश मंडळ,नूतन युवक गणेश मंडळ ही गणेश मंडळे सहभागी झाली होती.
शिबिरांच्या यशस्वीतेसाठी डॉ. अश्विनी भारत,डॉ.आरवा लाहिरी,डॉ.योगेश्वरी गाडगे,डॉ.शरयु गावंडे,डॉ.नेहा वैद्य,डॉ. जयश्री मालुसरे, डॉ अल्फीया खान यांचा सहभाग लाभला.
