महात्मा गांधी विज्ञान महाविद्यालयाच्या वतीने वन्यजीव सप्ताह साजरा
चांदा ब्लास्ट प्रतिनिधी. अशोक डोईफोडे
महात्मा गांधी कॉलेज ऑफ सायन्स गडचांदूर येथील राष्ट्रीय सेवा योजना विभागामार्फत दिनांक 5 ऑक्टोबर 20 23 रोजी वन्यजीव सप्ताह कार्यक्रम साजरा करण्यात आला.
सदर कार्यक्रमांतर्गत राष्ट्रीय सेवा योजना विभागामार्फत माणिकगड किल्ल्यावर गड किल्ले संवर्धन मोहीम राबविण्यात आली व सदर मोहिमेच्या अंतर्गत माणिकगड किल्ल्यांच्या आवारामध्ये स्थानिक वन विभागाच्या सहाय्याने राष्ट्रीय सेवा योजना स्वयंसेवकांना परिसरातील आढळणाऱ्या वन्यजीवांची इत्यंभू माहिती देण्यात आली व वन्यजीव संरक्षणाचे महत्त्व विशद करण्यात आले.
याप्रसंगी महात्मा गांधी कॉलेज ऑफ सायन्स येथील भौतिकशास्त्र विभागाचे प्रमुख प्राध्यापक पवन कटारे यांच्याद्वारा वन्यजीवांचे अन्नसाखळीमध्ये महत्त्व पटवून अन्नसाखळीच्या प्रत्येक स्तरावरील प्राण्याचे महत्त्व आणि एकूणच प्रासंगिकता राष्ट्रीय सेवा योजना स्वयंसेवकांना विस्तृतपणे पटवून देण्यात आली. सदर मोहीम महाविद्यालयाचे प्राचार्य डॉ. शैलेंद्र देव यांनी विशेष मार्गदर्शन केले.
महाविद्यालयाचे राष्ट्रीय सेवा योजना कार्यक्रम अधिकारी डॉ. संदीप घोडिले यांनी मोहीम राबवण्यासंदर्भाने विशेष प्रयत्न केले.