केंद्रीय मंत्री नितीन गडकरी यांची दुर्गापूर येथे 13 नोव्हेंबरला जाहीर सभा

चांदा ब्लास्ट प्रतिनिधी. प्रशांत रणदिवे

चंद्रपूर – बल्लारपूर विधानसभा क्षेत्राचे भाजपा, राष्ट्रवादी काँग्रेस शिवसेना आणि मित्रपक्ष महायुतीचे अधिकृत उमेदवार ना. सुधीर मुनगंटीवार यांच्या प्रचारार्थ 13 नोव्हेंबर 2024 ला केंद्रीय रस्ते वाहतूक व महामार्ग मंत्री, विकासपुरूष ना. नितीन गडकरी यांची जाहीर सभा दुर्गापूर जिल्हा चंद्रपूर येथे आयोजित करण्यात आली आहे.

देशभर रस्ते आणि पुलांचे जाळे निर्माण करून पायाभूत सुविधांना उभारी देणारे केंद्रीय मंत्री विकासपुरूष ना. नितीन गडकरी दुर्गापूर येथिल कार्यक्रमाला 13 नोव्हेंबरला उपस्थित राहणार आहे.शक्तीनगर दुर्गापूर येथे डब्ल्यूसीएल कॉलनीजवळील गणेश मैदानात सकाळी 11 वाजता ना. नितीन गडकरी नागरिकांशी संवाद साधतील.

ना.सुधीर मुनगंटीवार यांच्या नेतृत्वाखाली बल्लारपूर विधानसभेतील विकासाला अधिक गती प्राप्त झाली आहे. बल्लारपूर विधानसभेचा चेहरामोहरा बदलला असून यापुढेही अनेक महत्त्वाकांक्षी प्रकल्प पूर्णत्वास आणणार आहे. भाजपा महायुतीचे उमेदवार सुधीर मुनगंटीवार त्यांच्या निवडणूक प्रचारार्थ आयोजीत केंद्रिय मंत्री नितीनजी गडकरी यांच्या जाहीर सभेला जास्तीत जास्त संख्येने नागरिकांनी उपस्थित राहावे, असे आवाहन भाजपा जिल्हाध्यक्ष हरीश शर्मा यांनी केले आहे.