देऊळगाव राजा नगराध्यक्ष पदी महायुतीच्या माधुरी शिपणे विजयी
चांदा ब्लास्ट प्रतिनिधी. प्रा. अशोक डोईफोडे
देऊळगाव राजा :_ नगर परिषदच्या अध्यक्ष पदी महायुती च्या माधुरी शिपणे विजयी झाल्या आहेत, त्यांनी नगर विकास आघाडीच्या नेहा सुनगत यांचा पराभव केला.
आमदार मनोज कायंदे यांनी परत एकदा निर्विवाद वर्चस्व सिद्ध केले आहे, माजी आमदार डॉ राजेंद्र शिंगणे व डॉ शशीकांत खेडेकर यांच्या नगर विकास आघाडीला अपेक्षित यश मिळाले नाही.
आमदार मनोज कायंदे यांच्या नेतृत्वाखालील राष्ट्रवादी काँग्रेस अजित पवार गट व भाजप युती चे 12 उमेदवार विजयी झाले असून त्यात राष्ट्रवादी काँग्रेसचे 9 व भाजप चे 3 उमेदवार विजयी झाले आहे माजी आमदार डॉ राजेंद्र शिंगणे व डॉ शशीकांत खेडेकर यांच्या नेतृत्वाखालील नगर विकास आघाडीचे 7 उमेदवार विजयी झाले आहे, शिवसेना ऊ बा ठा चे 2 उमेदवार विजयी झाले आहे.
महायुतीच्या वतीने शहरांतून विजयी मिरवणूक काढली.
नगर परिषद च्या विजयी उमेदवार मध्ये प्रभाग क्रमांक एक मधून सौ मीनाताई दराडे रा का, संदीप शिंदे, शिवसेना ऊ बा ठा प्रभाग क्रमांक दोन मधून श्रीमती वैशाली कासारे, व श्रीमती शेख नमीराबी अतिक , दोन्ही रा का प्रभाग क्रमांक तीन मधून प्रदीप वाघ, रा का , व सौ वनिता भुतडा, भाजप, प्रभाग क्रमांक 4 मधून श्रीमती रुखसाना नजीर शेख, रा का व शेख अन्वर शेख अली, नगर विकास आघाडी, प्रभाग क्रमांक 5 मधून श्रीमती विद्या कासारे, नगर विकास आघाडी व विष्णू झोरे, रा का, प्रभाग क्रमांक 6 मधून श्रीमती उषा गिते, रा का, व निशिकांत भावसार, भाजप, प्रभाग क्रमांक 7 मधून शिवाजी मेहेत्रे, नगर विकास आघाडी, व श्रीमती शितल खरात नगर विकास आघाडी प्रभाग क्रमांक 8 मधून काशीफखान आलमखान कोटकर व श्रीमती रंजना रामाने, दोन्ही नगर विकास आघाडी
प्रभाग क्रमांक 9 मधून श्रीमती अलका धन्नावत, भाजप, व नासेर अब्दुल रज्जाक बागवान, राका प्रभाग क्रमांक 10 मधून श्रीमती दिशा खांडेभराड, नगर विकास आघाडी, श्रीमती रंजना झोरे, ऊ बा ठा, व राजेंद्र खांडेभराड, रा का यांचा समावेश आहे.
