“गांजा अंमली पदार्थाची विक्री करणारा गुन्हेगार व त्याचा अल्पवयीन साथीदार स्थानिक गुन्हे शाखेच्या जाळ्यात”
चांदा ब्लास्ट प्रतिनिधी. अविनाश नागदेवे
मा. श्री. अनुराग जैन पोलीस अधीक्षक वर्धा यांनी अंमली पदार्थ बाळगणारे व विक्री करणारे गुन्हेगारांवर कारवाई करण्याचे स्थानिक गुन्हे शाखेस आदेशीत केल्याने, त्या अनुषंगाने अंमली पदार्थांची विक्री करणा-या गुन्हेगारांवर कारवाई करण्याची स्थानिक गुन्हे शाखेने धडक मोहिम राबविली असुन, दि. 18 डिसेंबर 2025 रोजीचे रात्रदरम्यान स्था.गु.शा. वर्धा चे पथक पोलीस स्टेशन हिंगणघाट हद्दीत पेट्रोलिंग करीत असतांना, त्यांना मिळालेल्या गोपणीय माहितीवरून संत ज्ञानेश्वर वार्ड हिंगणघाट परीसरातील संतोषी माता मंदिर जवळ एन.डी.पि.एस. कायद्याचे तरतुदींचे तंतोतंत पालन करून रेड केला असता, आरोपी नामे निशांत संजय रीठेकर, रा. संत ज्ञानेश्वर वार्ड हिंगणघाट व त्याचा अल्पवयीन साथीदार असे दोघेही तेथे संशयास्पद रित्या हजर मिळुन आले. पंचासमक्ष त्यांची कायदेशीररित्या झडती घेतली असता, झडती दरम्यान त्यांचेजवळ गांजा अंमली पदार्थ मिळुन आला असुन, सदरचा माल त्यांनी त्यांचेजवळील पल्सर 220 मोटर सायकल क्र. एम.एच. 40 बि.झेड. 8616 नी नागपुर येथे जावुन तेथील कमाल चौक येथे राहणारा विनायक नावाच्या ईसमाकडुन विक्री करण्याकरीता खरेदी केल्याचे सांगितल्याने, जागीचं जप्ती पंचनामा कार्यवाही करून आरोपी व वि.सं.बालकाचे ताब्यातुन 514 ग्रॅम गांजा अंमली पदार्थ, मोटर सायकल व मोबाईलसह जु.कि. 1,75,280 रू चा मुद्देमाल जप्त करण्यात आला असुन, दोन आरोपी व वि.सं.बालकाविरूध्द पो.स्टे. हिंगणघाट येथे एन.डी.पि.एस. कायद्यान्वये गुन्हा नोंद करण्यात आला आहे.
सदरची कार्यवाही पोलीस अधिक्षक श्री. अनुराग जैन, अपर पोलीस अधीक्षक श्री. सदाशिव वाघमारे, यांचे निर्देशाप्रमाणे स्थानिक गुन्हे शाखा जि. वर्धा चे पोलीस निरीक्षक श्री. विनोद चौधरी, पो.उपनि. सलाम कुरेशी, पो.अं अरविंद येनुरकर, रोशन निंबोळकर, रवि पुरोहित, अक्षय राऊत, अभिषेक नाईक सर्व नेमणुक स्थानिक गुन्हे शाखा वर्धा यांनी केली.
