पोलीस ठाणे वर्धा शहर गुन्हे प्रगटीकरण पथकाची कामगीरी अवैध दारूविक्रेता जेलबंद

चांदा ब्लास्ट प्रतिनिधी. अविनाश नागदेवे

दिनांक 04.12.2025 रोजी पोलीस स्टेशन वर्धा शहर येथील गुन्हे प्रगटीकरण पथकातील पोलीस अधिकारी / अंमलदारांनी केलेल्या कार्यवाहीत अवैध्य दारूविक्रेता शुभम किशोर कुईकर रा. नागसेन नगर, वर्धा याचेवर दारूबंदी कायदयाअन्वये कार्यवाही करून आरोपीस अटक करण्यात आली. दि. 04.12.2025 रोजी मुखबीरकडुन मिळालेल्या खात्रीशीर खबरेची तात्काळ दखल घेत अवैध्य दारूविकता शुभम किशोर कुईकर रा. नागसेन नगर, वर्धा याचे राहते घराची पंचासमक्ष कायदेशीर घरझडती घेतली असता आरोपीचे घरझडतीत अवैध्यरित्या बिनापासपरवाना वेगवेगळ्या कम्पणीच्या 180 एम.एल. विदेशी दारूने भरलेल्या एकुण 59 बॉटल कि. 20650 रू चा माल मिळुन आल्याने जप्त केला.

सदरची कार्यवाही मा. पोलीस अधिक्षक अनुराग जैन, मा. अपर पोलीस अधिक्षक सदाशीव वाघमारे, उपविभागीय पोलीस अधिकारी प्रमोद मकेश्वर, पोलीस निरीक्षक संतोष टाले यांचे मार्गदर्शनात गुन्हे प्रगटीकरण पथकातील पोलीस उपनिरीक्षक शरद गायकवाड, पोलीस अंमलदार गजेंद्र धर्मे, अभिजीत वाघमारे, प्रशांत वंजारी, श्रावण पवार, अक्षया सावळकर व इतर यांनी केली.