गुरुकुल महाविद्यालयात महात्मा ज्योतिबा फुले यांची पुण्यतिथी साजरी

चांदा ब्लास्ट प्रतिनिधी. प्रा. अशोक डोईफोडे

     गुरुकुल कला, वाणिज्य व विज्ञान महाविद्यालय, नांदा येथे राष्ट्रीय सेवा योजना विभागातर्फे दिनांक 28 नोव्हेंबर रोजी महात्मा ज्योतिबा फुले पुण्यतिथी साजरी करण्यात आली. कार्यक्रमाच्या अध्यक्षस्थानी वंदनीय राष्ट्रसंत तुकडोजी महाराज बहुउद्देशीय मंडळाचे सचिव डॉ. अनिल मुसळे होते. याव्यतिरिक्त महाविद्यालयाचे प्रभारी प्राचार्य डॉ. राजेश डोंगरे, महाविद्यालयाच्या राष्ट्रीय सेवा योजना विभागाचे कार्यक्रम अधिकारी डॉ. प्रशांत पुराणिक, क्रीडा व शारीरिक शिक्षण विभागाचे प्रमुख प्रा. आशिष पैनकर यांची प्रामुख्याने उपस्थिती होती.

     आपले अध्यक्षीय भाषणात डॉ. अनिल मुसळे यांनी महात्मा ज्योतिबा फुले यांच्या शैक्षणिक विकासासाठी केलेल्या महत्त्वपूर्ण योगदानावर प्रकाश टाकला. स्त्री शिक्षणासाठी महात्मा ज्योतिबा फुले आणि त्यांची धर्मपत्नी सावित्रीबाई फुले यांना अनेक संकटांना सामोरे जावे लागले असे मत डॉ. अनिल मुसळे यांनी व्यक्त केले. प्रास्ताविक डॉ. राजेश डोंगरे यांनी केले. अनेक जणांचा तीव्र आक्षेप असताना फुले दांपत्यांनी मुलींसाठी शिक्षणाची दारे उघडी करून दिली. ज्यामुळे आज स्त्रियांनी सर्वच क्षेत्रात आपले वर्चस्व निर्माण केले आहे, असे मत डॉ. राजेश डोंगरे यांनी व्यक्त केले. या कार्यक्रमाचे सूत्रसंचालन डॉ. प्रशांत पुराणिक यांनी केले आणि आभार प्रदर्शन प्रा. आशिष पैनकर यांनी मांडले.

      हा कार्यक्रम यशस्वी करण्यासाठी शिक्षक व शिक्षकेतर कर्मचारी श्री. सुशांत खिरटकर, प्रफुल मुसळे, संतोष चौधरी, प्रशांत नवले, ननीता बुऱ्हाण, सविन मडावी, शालिक कांबळे आणि महाविद्यालयातील विद्यार्थी यांनी मोठ्या प्रमाणात सहकार्य केले.