देऊळगाव राजा व सिंदखेड राजा शहरांच्या विकासासाठी एक वेळ संधी द्या _ उपमुख्यमंत्री अजित पवार   

चांदा ब्लास्ट प्रतिनिधी. प्रा. अशोक डोईफोडे

मतदार संघातील सिंदखेडा राजा व देऊळगाव राजा या ऐतिहासिक वारसा लाभलेल्या शहराच्या सर्वांगीण विकासासाठी आम्हाला संधी द्या ,संधीचं सोनं केल्याशिवाय राहणार नाही असे उदगार देऊळगाव राजा येथील आयोजित प्रचार सभेत नामदार अजित पवार यांनी काढले.

मतदारसंघातील दोन्ही शहरांचा ऐतिहासिक शहर असा उल्लेख करत देऊळगाव राजा येथे प्रति तिरुपती म्हणून समजल्या जाणाऱ्या श्री बालाजी महाराज तसेच सिंदखेड राजा येथे स्वराज्य जननी मा जिजाऊ माता जन्मस्थान अशा विविध प्रकारचा ऐतिहासिक वारसा दोन्ही शहरांना लाभलेले असताना ज्यांच्याकडे 25 ते 30 वर्षे सत्ता होती त्यांना विकासाची व्याख्याच शेवटपर्यंत समजली नाही. ज्यांना वडिलोपार्जित सहकारी संस्था ,दुसरबीड येथील सहकारी साखर कारखाना तसेच सूतगिरणी सुद्धा व्यवस्थित चालवता आले नाही यांच्या मदतीसाठी बुलढाणा जिल्हा सहकारी बँकेला 300 कोटी रुपयांची भरीव मदत केली त्यांना सुद्धा सदर बँक व्यवस्थित चालवता आली नाही. जे राजकीय क्षेत्रामध्ये एकमेकांचे कट्टर शत्रू होते ते शहराचा विकास करू या गोंडस व्याख्या खाली एकत्र आले ही त्यांची स्वार्थीपणाची प्रवृत्ती असल्याचे उद्गार नामदार अजित पवार यांनी काढले, देऊळगाव राजा शहर विकासाचा कृती आराखडा आमदार कायंदे यांनी सादर केलेला आहे.

त्यामध्ये शहर विकासाच्या विविध योजना असून प्रामुख्याने देऊळगाव राजा येथे नाट्यगृह, भव्य असे ग्रंथालय, अभ्यासिका, वळण रस्त्यावरील विविध विकास कामे,शहरातील भूमिगत गटार योजना अशा प्रकारच्या विविध योजनांचे प्रस्ताव आमदार कायंदे यांनी यापूर्वीच सादर केलेले आहेत त्याला लवकरात लवकर मंजुरी देण्यात येईल असे सांगितले,आमदार कायंदे यांनी अल्पावधीतच केलेल्या कामाचा नाम उल्लेख करत त्यांच्या कार्याची स्तुती केली ,आपणाला युवा नेतृत्व लाभले असून या संधीचे आपण सोने करून घ्यावे आणि यांच्या अभद्र युतीला मतदान न करता दोन्ही नगरपालिकेत आपले माणसं बसवा त्यामुळे विकासाला चालना मिळेल. असे अजित पवार यांनी सांगितले भाषणादरम्यान मुस्लीम समाजाचा आजा ना सुरू असताना अजित पवार यांनी आपले भाषण थांबवले आणि झाल्यानंतर परत सुरु केले.

आमदार मनोज कायंदे यांनी आपल्या भाषणातून देऊळगाव राजा येथे दोन्ही एकत्रितपणे युती करून निवडणूक लढवितात तर सिंदखेड राजा येथे एकमेकांच्या विरोधात निवडणूक लढवत आहे हे सुद्धा मतदारांच्या लक्षात आले असून आता त्यांच्या वलगणांना मतदार बळी पडणार नाही आपणच योग्य तो निर्णय घ्यावा असे मनोज कायदे यांनी सांगितले. सभेत प्रामुख्याने आमदार मनोज कायंदे. आमदार अमोल मिटकरी,आमदार सुभाष खोडके, राष्ट्रवादी काँग्रेसचे जिल्हा अध्यक्ष एड. नाझर काझी, दिलीप खरात, डॉक्टर गणेश मांटे, सतीश कायंदे, सिद्दिक शेठ, संतोष खांडेभराड, प्रा दिलीप सानप, नितीन कायंदे, दिलीप झोटे, भगवान मुंडे,गजानन काकड सुनील शेजुळकर, प्रा सदाशिव मुंडे, सुभाष दराडे देऊळगाव राजा येथील नगराध्यक्ष पदाचे उमेदवार माधुरी शिंपणे, शिंदखेडा राजा नगराध्यक्ष पदाचे उमेदवार श्याम मेहेत्रे, यांच्यासह राष्ट्रवादी काँग्रेस अजित पवार गट भाजपा आणि मित्र पक्षाचे पदाधिकारी उपस्थित होते सभेसाठी पंचक्रोशीतून महिला आणि बांधवांची उपस्थिती होती