श्री. संत झिंगूजी महाराज पुण्यतिथी महोत्सवास प्रारंभ

चांदा ब्लास्ट प्रतिनिधी. अतुल कोल्हे

        “साधू संत येती घरा तो ची दिवाळी दसरा” या म्हणीला अनुसरून सालाबादप्रमाणे यंदाही श्री. संत झिंगुजी महाराज पुण्यतिथी महोत्सव समितीतर्फे मनोहर नागपुरे अध्यक्ष, व सचिव अकिलेश कार्लेकर, उपाध्यक्ष आशिष कार्लेकर, कोषाध्यक्ष संजय मांढरे , सल्लागार बाबुराव पचारे, आकाश नागपुरे यांचे मार्गदर्शनात ८६ व्या महोत्सवाचे आयोजन करण्यात आले.

दिनांक २८ ते २९ तारखेपर्यंत चालणाऱ्या या धार्मिक उत्सवाच्या कार्यक्रमाची सुरुवात गुरुदेव भक्त व राष्ट्रसंत तुकडोजी महाराज यांच्या विचाराचे पाईक विशाल गावंडे व प्रबोधनकार गुणवंत कुतरमारे, गवराळा येथील स्वच्छता समिती प्रमुख मंगेश येरमे व जय जगन्नाथ महाराज सेवानिवृत्त मित्र मंडळ गवराळा वॉर्ड भद्रावती यांच्या नेतृत्वात स्वच्छतेचा संदेश देत ग्रामसफाई अभियान राबविण्यात आले. वाद्य व सुमधुर भजनावली ने भद्रावती कराना स्वच्छतेचा संदेश देत श्री. संत झिंगुजी महाराज मठ ते गांधी चौक, भाजी मार्केट, किल्ला वॉर्ड होत स्वच्छता अभियान राबविण्यात आले.

विविध धार्मिक व सांस्कृतिक कार्यक्रमासह सामाजिक दायित्वाच्या भूमिकेतून दंत चिकित्सा व नेत्र तपासणी शिबिराचे आयोजन करण्यात आले आहे. सदर महोत्सवात खासदार प्रतिभाताई धानोरकर, केंद्रीय मागासवर्गीय आयोगाचे अध्यक्ष हंसराज भैय्या अहिर, आमदार करन देवतळे या लोकप्रतिनिधींसह अनेक मान्यवरांचा विशेष सहभाग असणार आहे.

८६ व्या पुण्यतिथी महोत्सवानिमित्य होणाऱ्या सर्व धार्मिक व प्रबोधनात्मक कार्यक्रमाचा भद्रावती करानी अवश्य लाभ असे आवाहन श्री. संत झिंगुजी महाराज पुण्यतिथी महोत्सव समितीतर्फे करण्यात आले आहे.