मानसीक व शारिरीक आरोग्यासाठी खेळ आवश्यक : महाप्रबंधक पिशोरेड्डी

चांदा ब्लास्ट प्रतिनिधी. अतुल कोल्हे

          प्रत्येक मानवी जिवनात खेळाचे महत्व अनन्यसाधारण आहे. खेळामुळे मानसीक तथा शारिरीक आरोग्य लाभते त्यामुळे खेळ हा मानवी आयुष्यात अत्यंत महत्वाचे आहे असे प्रतिपादन वणी वेकोली क्षेत्राचे आपरेशन महाप्रबंधक सुजीतकुमार पिशोरेड्डी यांनी केले. घुग्घुस येथील भारतरत्न डॉ. बाबासाहेब आंबेडकर मैदानावर वेकोलीच्या अंतरक्षेत्रीय फुटबॉल स्पर्धेचे ऊद्घाटन त्यांच्या हस्ते करण्यात आले यावेळी ते बोलत होते. यावेळी आपरेशन महाप्रबंधक सुजीतकुमार पिशोरेड्डी, डि.आर.टिकले,क्षेत्रीय कार्मीक महाप्रबंधक लैलेश थोरात, भरत चुकका,विनोद पाटील, मनिमृत्यू, हृदय लदियानी,कामगार नेते जियाऊल्लाखान, विकास सोनटक्के,मुरली चिंतलवार, गोकुल यदुलवार ,लखन हिकरे,,जगदीश गुप्ता, विनोद ढुमने आदी मान्यवर उपस्थीत होते. पुढे बोलताना पिशोरेड्डी म्हणाले की वेकोली क्षेत्रात प्रत्येक कामगार हा उत्पादनाचे उद्दिष्ट साध्य करताना अत्यंत कठीण मानसिकतेमधून जात असलेल्या मानसिक तेतुन बाहेर काढून त्यांना आनंदी जीवन प्राप्त करायचे असेल तर त्यांनी विविध क्रीडा स्पर्धांमध्ये सहभागी होऊन आपले मन ताजेतवाने ठेवणे गरजेचे असून त्यामुळे वेकोली क्षेत्रामध्ये कामगाराची मानसिकता स्थिर ठेवण्यासाठी विविध स्पर्धांचे आयोजन केल्या जाते त्यामुळे प्रत्येक कामगारात संघभावना निर्माण होते व त्याचा अनुकूल परिणाम सांघिक उत्पादन उद्दिष्टावर परिणामकारक होतो.

सदर स्पर्धेत वेकोलिचे माजरी,चंद्रपूर, पाथरखेडा,नागपूर, वणी क्षेत्र,वणी मुख्यालय, पेंच,बल्लारपूर, उमरेड,नागपूर मुख्यालय आदी संघ सहभागी झाले आहेत. ऊद्घाटनिय सामना माजरी विरुद्ध वणी क्षेत्र या संघात खेळला गेला. यात वणी संघाने सात गोल करीत माजरी संघावर विजय मिळवला.

सदर स्पर्धा २९ नोव्हेंबर पर्यंत चालणार आहे. या स्पर्धेत पंच म्हणून राजीक अहमद,राजकुमार रेवलीवार ,उस्मान साधिक, मोहम्मद शहजाद, रोजल शेख हे काम पाहणार आहेत. या स्पर्धेचे संचालन वणी क्षेत्राचे स्पोर्ट कमिटी प्रमुख अजय पाटील यांनी केले.