एड्स नियंत्रणाकरीता जनजागृती आवश्यक – प्राचार्य ढाले
जागतिक एड्स दिन संपन्न
चांदा ब्लास्ट प्रतिनिधी. अविनाश नागदेवे
देवळी : ‘एड्स रोगाचा प्रसार झपाटयाने जगभरात वाढत असून यात तरूण तरुणींची संख्या मोठ्या प्रमाणावर वाढत आहे. यावर एकमेव उपाय म्हणजे एड्स नियंत्रणाकरीता जनजागृती होणे आवश्यक आहे, असे प्रतिपादन स्थानिक एस.एस.एन.जे.महाविद्यालयातील राष्ट्रीय छात्र सेना युनिट, राष्ट्रीय सेवा योजना पथक व रोव्हर-रेंजर युनिट यांच्या संयुक्त विद्यमाने एन.सी.सी. सभागृहात आयोजित जागतिक एड्स दिवस कार्यक्रमात प्रभारी प्राचार्य डॉ. प्रभाकर ढाले यांनी 1 डिसेंबर रोजी केले.
कार्यक्रमाच्या अध्यक्षस्थानी प्राचार्य डॉ. प्रभाकर ढाले तर प्रमुख अतिथी म्हणून एन.सी.सी. अधिकारी तथा राष्ट्रीय सेवा योजना कार्यक्रम अधिकारी कॅप्टन मोहन गुजरकर, प्रा. मेघा फासगे, प्रा. जगदीश यावले व प्रा. निलिमा बर्गट उपस्थित होते.
आपल्या प्रास्ताविकात रोव्हर लिडर कॅप्टन मोहन गुजरकर म्हणाले आपला युवा देश एड्स रोगाच्या साखळीत सापडू नये म्हणून युवाला मोठ्या प्रमाणावर मार्गदर्शन केले पाहीजेत. या दृष्टिकोनातून जनजागृतीपर पथनाट्य, कार्यशाळा व विविध उपक्रम एन.सी.सी., राष्ट्रीय सेवा योजना व रोव्हर्स-रेंजर्स च्या माध्यमातून आम्ही राबविणार आहोत, अशीही ग्वाही दिली.
संचालन सार्जंट वैष्णवी शिरभाते तर आभार सहाय्यक रोव्हर लिडर योगेश आदमने याने मानले. यशस्वीतेकरीता अंडर ऑफिसर शेखर भोगेकर, अक्षय जबडे, रेंजर राखी खोडे, नयना गवळी यांच्यासह एन.सी.सी.छात्र सैनिक, राष्ट्रीय सेवा योजना स्वयंसेवक व रोव्हर्स-रेंजर्स नी प्रयत्न केले.
कार्यक्रमाची सांगता ‘एड्स नियंत्रणकरीता जनजागृती करण्याची शपथ’ घेऊन झाली.