पोलीस अधीक्षक सौरभ कुमार अग्रवाल व अपर पोलीस अधीक्षक सदाशिव वाघमारे यांचे आदेशान्वये व मार्गदर्शनात वर्धा जिल्हा घटकात जीवन सुरक्षा अभियान

चांदा ब्लास्ट प्रतिनिधी. अविनाश नागदेवे

 दिनांक 7/10/2026 रोजी देवळी शहरात जीवन सुरक्षा अभियान मा. उपविभागीय पोलीस अधिकारी डॉ. वंदना कारखेले पोलीस स्टेशन देवळी प्रभारी अधिकारी सहायक पोलीस निरिक्षक संदीप कापडे पोस्टे. देवळी व वाहतुक नियंत्रण शाखा, वर्धा चे प्रभारी अधिकारी विजयकुमार घुले, पोउपनी गजभिये व अंमलदार तसेच पोलीस स्टेशन देवळी येथील अधिकारी व अंमलदार, वाहतुक अंमलदार यांनी देवळी शहरातील वाहतुक व्यवस्था सुरळीत राहावी तसेच वाहन चालक व पादचाऱ्यांच्या सुरक्षिततेच्या दृष्टीने तसेच अपघात रोखण्यासाठी रस्त्यांवर वाहतुकीस अडथळा निर्माण होईल अशा स्थितीत उभी करण्यात आलेल्या वाहनांवर तसेच विना परवाना वाहन चालविणारे वाहन चालक, अल्पवयीन मुला मुलींना वाहने चालविण्यास देणे, ट्रिपलसिट, कर्णकर्कश आवाजाचे सायलेंसर असलेले वाहन, परवाना न बाळगणारे, फॅन्सी नंबर प्लेट असलेले वाहनांवर राबविण्यात आले व वाहतुकिच्या नियमांचा भंग करणाऱ्या वाहन चालकांवर मोटार वाहन कायद्यांन्वये कारवाई करण्यात आली.

या कारवाई दरम्यान वाहतुक नियमांचा भंग करणाऱ्या वाहन चालकांवर एकुण 185 चलान केसेस मोटार वाहन कायद्यान्वये करण्यात आल्या असुन 4,10,750 /रु चा दंड करण्यात आलेला आहे.

तसेच पोलीस स्टेशन देवळी व जिल्हा वाहतुक नियंत्रण शाखा, वर्धा चे वतीने देवळी शहरातील नागरीकांना आवाहन करण्यात आले.

विशेषतः –

1) वाहतुकीच्या मार्गावर वाहने उभी करु नये.

2) सार्वजनिक ठिकाणी रस्त्यांवर व गर्दीच्या ठिकाणी वाहने अनधिकृत पार्कीग करु नये.

3) पाकींगच्या ठिकाणीच वाहने उभी करावीत,

4) अल्पवयीन मुला मुलींना वाहने चालविण्यास देऊ नये.

5) विना परवाना वाहन चालवु नये.

6) महामार्गावर दुचाकी वाहने चालवितांना हेल्मेटचा वापर करावा.

7) चारचाकी वाहन चालकांनी सिटबेल्टचा वापर करावा.

8) ट्रिपलसिट, कर्णकर्कश आवाजाचे सायलेंसर असलेले वाहन चालवू नये.

सदर मोटार वाहन कायद्यांन्वये करण्यात येणारे कारवाईचा उद्देश हा दंड वसुल करण्याचा नसुन वाहन चालकांना शिस्त लावण्याकरीता तसेच सर्व नागरीकांचे सुरक्षित प्रवासाकरीता असुन नागरीकांच्या सुरक्षिततेला प्रथम प्राधान्य देण्यात येत आहे. लहान मुलांकडून विनापरवाना वाहन चालवुन घडत असलेले अपघात व त्यामुळे त्यांचे भविष्यावर होणारे वाईट परीणामांपासुन त्यांचे संरक्षण व नागरीकांचे जिवीताचे संरक्षण हा प्रमुख उद्देश्य जीवन सुरक्षा अभियानाचा आहे.

जीवन सुरक्षा अभियान सर्व जिल्हाभर प्रभावी पणे राबविण्यात येणार आहे. तरी वर्धा जिल्हा वाहतुक पोलीस विभागाकडून जिल्ह्यातील सर्व नागरिकांना आवाहन करण्यात येत आहे कि आपले वाहन चालवितांना वाहतुक नियमांचे पालन करावे असे आदेश वाहतूक नियंत्रण शाखा वर्धा चे प्रभारी सहाय्यक पोलीस निरीक्षक विजयकुमार घुले यांनी दिलेले आहेत.