मंदिर उभारणीतून सामाजिक बांधिलकीचा नवा अध्याय

चांदा ब्लास्ट प्रतिनिधी. राजेश डोंगरे

ईश्वरसेवा केवळ मंदिरातील पूजा-अर्चनेपुरती मर्यादित न ठेवता ती खऱ्या अर्थाने समाजातील घटकांच्या सेवेतूनच साकारते, या विचाराला प्रत्यक्ष कृतीत उतरवत गोंडपिपरी तालुक्यातील करंजी येथील प्रदीप खोब्रागडे यांच्या पुढाकाराने करंजी येथे नवीन मंदिर बांधकामाचा शुभारंभ करण्यात येणार आहे .

‘समाजसेवा हीच खरी ईश्वरसेवा’ हे ब्रीदवाक्य उराशी बाळगून सुरू झालेल्या या उपक्रमामुळे करंजी व परिसरातील नागरिकांमध्ये उत्साहाचे वातावरण आहे.

अध्यात्म आणि समाजकारणाचा संगम: मंदिर हे केवळ धार्मिक श्रद्धेचे केंद्र न राहता, तेथून विविध सामाजिक उपक्रम, शैक्षणिक मदत आणि आरोग्यविषयक कार्य चालवले जावे, असा मानस प्रदीप खोब्रागडे यांनी व्यक्त केला आहे.

या मंदिर बांधकामामुळे करंजी परिसराला एक नवीन सांस्कृतिक व अध्यात्मिक ओळख मिळणार असून, स्थानिक नागरिकांच्या एकतेला बळ मिळणार आहे.

सर्वांच्या सहकार्याने हे कार्य पूर्णत्वास नेण्याचा संकल्प यावेळी करण्यात आला

करंजी येथील या उपक्रमामुळे धार्मिक आणि सामाजिक विचारांची सुरेख सांगड घातली जात असून संपूर्ण परिसरातून या कार्याचे कौतुक होत आहे.

     “मंदिराची उभारणी ही ईश्वराप्रती आपली श्रद्धा व्यक्त करण्याची वास्तू आहेच, पण त्या वास्तूच्या माध्यमातून गरजूंची सेवा करणे आणि समाजाला एकत्र आणणे हीच खरी ईश्वरपूजा आहे.

— प्रदीप खोब्रागडे (सामाजिक कार्यकर्ता, करंजी)