कमलापूर येथे भव्य रोगनिदान शिबिराचे यशस्वी आयोजन

चांदा ब्लास्ट प्रतिनिधी. प्रा. अशोक डोईफोडे

      अहेरी तालुक्यातील कमलापूर येथे राष्ट्रसंत तुकडोजी महाराज स्थापित श्रीगुरुदेव आदिवासी प्राथमिक व माध्यमिक आश्रमशाळेच्या प्रांगणात भव्य रोगनिदान शिबिराचे आयोजन करण्यात आले होते. गेल्या अनेक वर्षापासून थोर समाजसेवी व्यक्तिमत्व आणि राष्ट्रसंताचे अनुयायी डॉ. शिवनाथजी कुंभारे यांच्या प्रेरणेने जिल्ह्यातील दुर्गम आदिवासी भागात मोठ्या प्रमाणात रोगनिदान शिबिराचे करण्यात येत असते. सदर शिबिर धन्वंतरी हास्पिटल अँड मल्टीस्पेशालिटी सेंटर गडचिरोली आणि माधव नेत्रालय नागपूर यांच्या संयुक्त विद्यमाने झाले आणि यात एकूण ५१४ रूग्णांची मोफत वैद्यकीय तपासणी तसेच औषधोपचार करण्यात आले.

      उद्‌घाटन प्रसंगी दलित मित्र नानाजी वाढई, श्री गुरुदेव सेवा मंडळाचे जिल्हा सेवाधिकारी अरविंद पाटील वासेकर, डॉ अंनता कुंभारे, प्रचार प्रमुख पंडित पुडके, कमलापूरच्या सरपंच रंजिता मडावी, राणी कुंभारे तसेच जिल्ह्यातील बहुतेक श्री गुरुदेव सेवक प्रचारक आदी मान्यवर उपस्थित होते.या महा आरोग्यशिबिरात नेत्र तपासणी, एक्सरे, अस्थिरोग,बालरोग,दमा अस्थमा, दंतरोग, स्त्री रोग आदी सर्व प्रकारच्या रूग्णांची मोफत वैद्यकीय तपासणी करून औषधोपचार करण्यात आले.तसेच मोफत चष्मे वाटप करण्यात आले आणि सर्व रूग्णांची रक्तदाब व रक्त तपासणी करण्यात आली.

गडचिरोली येथील धन्वंतरी हास्पिटल चे संचालक तथा क्ष किरण तज्ञ डॉ. अनंता कुंभारे, शस्त्रक्रिया तज्ञ डॉ. यशवंत दुर्गे, अस्थिरोग तज्ज्ञ डॉ. रोहन कुमरे, ह्दय रोग तज्ञ डॉ. राकेश चहांदे, बालरोगतज्ज्ञ डॉ. प्रशांत चलाख,डा. निखिल चव्हाण, डॉ. मुकेश आतालगडे, डेंटल सर्जन डॉ. प्रफुल्ल वाळके, डॉ .उमेश समर्थ ,स्त्री रोग तज्ञ खुशबू दुर्गे,डॉ .मयुर दुधबळे, क्षयरोग तज्ज्ञ डॉ. सचिन हेमके, डॉ ‌. किशोर वैद्य, डॉ. रूपाली पाटील, हरिश दांडेकर, सचिन येनप्रेडीवार, अमित संगिडवार, मनिष गुड्डेवार आदींनी उत्स्फूर्तपणे सेवा दिली. एवढ्या मोठ्या प्रमाणात रोगनिदान शिबिराचे आयोजन केल्याबद्दल परिसरातील आदिवासी समाज बंधूंनी श्रीगुरुदेव व्यायाम व शिक्षण सेवा प्रसारक मंडळाचे कौतुक करून धन्यवाद दिले.सदर मंडळाच्या वतीने शिबिराच्या निमित्ताने आश्रम शाळेत शिक्षण घेत असलेल्या सर्व विद्यार्थ्यांना वाटर बाटल आणि मच्छरदाणी भेट स्वरूपात देण्यात आले.

     कार्यक्रमाचे सूत्रसंचालन ए. एन. कोहाडे यांनी केले तर प्रास्ताविक श्री गुरुदेव आश्रम शाळेचे मुख्याध्यापक आर सी मज्जी यांनी केले. यावेळी परिसरातील प्रतिष्ठीत

बी.पी. चौधरी, श्री. सुरा , श्री. सांबयाजी राला बंडीवार , सोमयाजी कोंडागुर्ले, किसन भट, बकय्याजी चौधरी, पुरुषोत्तम येजुलवार, सौ.शशिकला कोडाप, सौ. सावित्रीबाई चिप्पावार, पत्रकार श्रीधर दुग्गीरालापाटी, गणेश कोडापे, श्री. रेपलवार सावकार , श्री जनगमकाका, आश्रम शाळेचे तथा गुरुदेव विदयालय गडचिरोली चे शिक्षक-वृंद विद्यार्थी तसेच जिल्ह्यातील गोकुळनगर शाखा, रामनगर शाखा, वाकडी, डोंगरगाव, एटापल्ली शाखा येथील गुरुदेव भक्त मोठ्या संख्येने उपस्थित होते.

सायंकाळी सामुदायिक प्रार्थना करून शिबिराची सांगता करण्यात आली. शिबिराचे निमित्ताने आलेल्या जिल्ह्यातील नामवंत डॉक्टर मंडळीनी राष्ट्रसंत तुकडोजी महाराजांनी १९५८ साली स्थापन केलेल्या सामुदायिक प्रार्थना मंदिराचे व श्री गुरुदेव कुटी चे दर्शन घेत आपले जीवन कृतार्थ झाल्याची भावना व्यक्त केली.