देऊळगाव राजा शहराच्या सर्वांगीण विकासासाठी महाविकास आघाडीच्या उमेदवारांना विजयी करा 

चांदा ब्लास्ट प्रतिनिधी. प्रा. अशोक डोईफोडे

सध्या राज्यातील सरकार प्रचंड भ्रष्टाचारी असून मत चोरी करून सत्तारूढ झाले आहे, व आता नगर परिषद निवडणूक मध्ये मतदारांना पैसे वाटप करून सत्ता मिळवण्यासाठी प्रयत्न करत आहेत तेव्हा अशा भ्रष्टाचारी युती ला दूर ठेऊन महाविकास आघाडी च्या सर्व उमेदवारांना विजयी करण्याचे आवाहन माजी सामाजिक न्याय मंत्री खासदार चंद्रकांत हांडोरे यांनी देऊळगाव राजा येथे आयोजित केलेल्या पत्रकार परिषदेत केले.

काँग्रेस, शिवसेना ऊ बा ठा, वंचित बहुजन आघाडी, आम आदमी पार्टी, भीमशक्ती संघटना समर्थित महाविकास आघाडी च्या नगराध्यक्ष पदाच्या उमेदवार श्रीमती शोभा कासारे व नगरसेवक पदाचे सर्व उमेदवारांना विजयी करण्यासाठी आघाडीतील सर्व नेते व कार्यकर्ते यांनी परिश्रम घेण्याची गरज असल्याचे म्हटले.

या प्रसंगी काँग्रेस पक्षाचे नेते रमेश दादा कायंदे, ज्येष्ठ नेते अनिल सावजी, तालुका अध्यक्ष रामदास डोईफोडे,शिवसेनेचे तालुका प्रमुख दादाराव खार्डे, माजी नगराध्यक्ष गोविंदराव झोरे, भीमशक्ती चे नेते दिनकर ओंकार, शिवसेनेचे शहर प्रमुख अजय शिवरकर, वसंत अप्पा खुळे, शशिकांत बनसोडे, एन के कांबळे, तथा इतर उपस्थित होते.

संचालन प्रा. किशोर चव्हाण यांनी केले.