स्थानिक गुन्हे शाखा वर्धा यांनी अट्टल घरफोडी करणाऱ्या आरोपीस अटक

चांदा ब्लास्ट प्रतिनिधी. अविनाश नागदेवे

 स्नेहल नगर वर्धा परिसरात सतत होत असलेल्या चोरी व घरफोडीमुळे तेथील नागरीकांमध्ये भीतीच वातावरण निर्माण झाले असताना, तेथील नागरिकांनी त्याबाबतचे निवेदन माननीय पोलीस अधीक्षक श्री अनुराग जैन यांना दिले असता, माननीय पोलीस अधीक्षक यांनी पोलीस निरीक्षक स्थानिक गुन्हे शाखा, वर्धा यांच्या मार्गदर्शनात सदर भागात चोरी घरफोडीचे गुन्ह्याची उकल करण्याकरता स्थानिक गुन्हे शाखेचे दोन पथक तयार करून, सदर गुन्ह्यांचा समांतर तपास करीत, सदर आरोपी शोधकामी दोन्ही पथकाने स्नेहल नगर परिसातील, सेवाग्राम रेल्वे स्टेशन वरील, अमरावती रेल्वे स्टेशन येथील सीसीटीव्ही फुटेज पाहून आरोपी निष्पन्न केला. याच आरोपीने काही वर्षा पाहिले वर्धा..नागपूर.भंडारा व इतर जिल्ह्यात घरफोडी मध्ये अटक होता. दि. 10/10/25 रोजी स्थानिक गुन्हे शाखा वर्धा येथील पथकांना सदर गुन्ह्यात निष्पन्न आरोपी हा रेल्वे स्टेशन बडनेरा परिसरात वावरत असल्याबाबतची विश्वसनीय माहिती मिळाल्यावरून, दोन्ही पथके बडनेरा रेल्वे स्टेशन परिसरात रवाना होऊन सदर निष्पन्न आरोपीचा शोध घेतला असता, सदर आरोपी बडनेरा रेल्वे स्टेशन परिसरात फिरताना मिळून आला.

सदर आरोपी ताब्यात घेऊन त्याला त्याचे नाव का विचारले असता त्याने त्याचे नाव, ओमप्रकाश रंगनाथ खांडवे, वय 35 वर्ष, रा. तुलसी नगर बुलढाणा जिल्हा बुलढाणा असे सांगितले वरून त्यास वर्धा जिल्ह्यातील चोरीच्या गुन्हा संबंधाने सखोल विचारपूस केली असता पोलीस स्टेशन वर्धा शहर हद्दीतील स्नेहल नगर व पोलीस स्टेशन रामनगर हद्दीत घरफोड्या व मोटरसायकल चोरी करून एकूण चार घरफोडी केल्याची कबुली दिल्याने आरोपीचे ताब्यातून एकूण दोन लॅपटॉप सात मोबाईल व एक मोटरसायकल असा एकूण जुमला किंमत 1,91,700/- रू चा जप्त करून आरोपीस जेरबंद करण्यात आले आहे. गुन्हयाचा पुढील तपास पोलीस स्टेशन, वर्धा शहर करीत आहे.

        सदर ची कार्यवाही मा. पोलीस अधीक्षक श्री अनुराग जैन, अपर पोलीस अधीक्षक सदाशिव वाघमारे, यांचे मार्गदर्शनात स्थानिक गुन्हे शाखा, वर्धा पोलीस निरीक्षक विनोद चौधरी, पो उप नि सलाम कुरेशी, पोलीस अंमलदार शेखर डोंगरे, सचिन इंगोले, प्रमोद पिसे, दिनेश बोथकर,विकास मुंढे, सुगम चोधरी, शूभम राउत, अरविंद इंगोले, सुमेध शेंद्रे, राहुल अथवाल, जगदीश डफ़, आशिष उमरकर, यांनी केली.