जिल्हास्तरीय मैदानी खेलो इंडीया प्रशिक्षण केंद्राकरीता खेळाडू निवड चाचणी
चांदा ब्लास्ट
खेलो इंडीया सेंटर अंतर्गत जिल्हा क्रीडा संकुल, चंद्रपुर येथे जिल्हास्तरीय मैदानी खेलो इंडीया अनिवासी प्रशिक्षण केंद्राकरिता सन 2025-26 या सत्राकरिता खेळाडू निवड चाचणीने आयोजन 12 ऑगस्ट 2025 रोजाी जिल्हा क्रीडा संकुल येथे करण्यात आलेले आहे.
वयोगट 14 वर्षे आतील मुले/मुली यांची निवड चाचणी 12 ऑगस्ट रोजी सकाळी 8 वाजता होईल. यासाठी इच्छुक विद्यार्थ्याचा जन्म 1 जानेवारी 2012 किंवा त्यानंतरचा जन्म असावा. 16 वर्षे आतील मुले/मुली -यांची निवड चाचणी 12 ऑगस्ट रोजी सकाळी 8 वाजता होईल. यासाठी संबंधित खेळाडूचा जन्म 1 जानेवारी 2010 किंवा त्यानंतरचा जन्म असावा. या चाचणीकरीता उंचीला प्राधान्य देण्यात येईल. सर्व खेळाडूंनी स्वतःच्या पुर्ण तयारीने यावे. प्रशिक्षण केंद्र हे अनिवासी आहे. आधारकार्ड व जन्मदाखला प्रत सोबत आणावे.
उपरोक्त निवड चाचणी करिता जिल्ह्यातील जास्तीत जास्त खेळाडूंनी आपली नावे जिल्हा क्रीडा अधिकारी कार्यालय, चंद्रपूर येथे कार्यालयीन वेळेत नोंदणी करावे. अधिक माहितीकरिता क्रीडा अधिकारी मोरेश्वर गायकवाड ( मो. नं.9423673232) व खेलो इंडीया प्रशिक्षक रोशन भुजाडे (मो.नं. 7798174435) यांच्याशी संपर्क साधावा, असे आवाहन जिल्हा क्रीडा अधिकारी अविनाश पुंड यांनी केले आहे.
