एक वर्षापूर्वी अल्पवयीन मुलीस पळवून नेलेल्या आरोपीस अटक

चांदा ब्लास्ट प्रतिनिधी. अविनाश नागदेवे

पोलीस स्टेशन वर्धा शहर येथे दि. 22/03/2024 रोजी फिर्यादीने तक्रार दिली की, त्यांची अल्पवयीन मुलगी वय अंदाजे 13 वर्षे हिला अज्ञात आरोपीने फूस लावुन पळवून नेले. अशा फिर्यादीच्या रिपोर्ट वरून पोलीस स्टेशन वर्धा येथे अप क्र. 476/2024 कलम 363, 370 भांदवी प्रमाणे गुन्हा नोंद करुन तपासात घेतला. गुन्हयातील पीडित मुलीचा व आरोपीचा शोध न लागल्याने सदरचा गुन्हा अनैतिक मानवी वाहतूक प्रतिबंधक कक्षाकडे वर्ग करण्यात आला.

सदर गुन्ह्याचा तपास अनैतिक मानवी वाहतूक प्रतिबंध कक्ष, वर्धा तथा स्थानिक गुन्हे शाखा वर्धा यांचे मार्फतीने करीत असताना मा. श्री निलेश मोरे, प्रभारी पोलीस अधीक्षक वर्धा यांनी दिलेल्या विशेष सूचना व निर्देशाप्रमाणे पोलीस निरीक्षक स्थानिक गुन्हे शाखा तथा अनैतिक मानवी वाहतूक प्रतिबंध कक्ष, वर्धा यांचे मार्गदर्शक पथक तयार करण्यात आले. गुन्ह्यात मुखबिर लावून व तांत्रिक तपास करून यातील आरोपी नामे शाहरुख खाँ हमीद खाँ पठाण, वय 32 वर्ष, रा. बोरगाव मेधे वर्धा हा सेलू येथे येत असल्याची माहिती मिळाल्याने सेलू बस स्टॉप जवळ सापळा रचून त्यास ताब्यात घेण्यात आले. अल्पवयीन पीडित मुलीबाबत विचारपूस केली असता मुलगी घाटंजी जिल्हा यवतमाळ येथे असल्याचे आरोपीने सांगितल्याने लागलीच पथक रवाना करून यातील पीडित अल्पवयीन मुलीस घाटंजी जिल्हा यवतमाळ ताब्यात घेण्यात आले. आरोपीस रीतसर कायद्याप्रमाणे अटक करण्यात आली असून पुढील तपास पो स्टे वर्धा शहर करीत आहे वातील अल्पवयीन मुलगी रीतसर कायद्याप्रमाणे पोस्टे वर्धा शहर यांच्याकडे देण्यात आले आहे.

सदरची कारवाई मा. प्रभारी पोलीस अधीक्षक श्री निलेश मोरे, अपर पोलीस अधीक्षक यांचे निर्देशाप्रमाणे पोलीस निरीक्षक विनोद चौधरी स्थानिक गुन्हे शाखा तथा अनैतिक मानवी वाहतूक प्रतिबंध कक्ष, वर्धा यांचे मार्गदर्शनात स. फौ. सुभाष राऊत, पो. हवा. दिवाकर परिमल, खुशालपंथ राठोड, संजय राठोड, नितेश मेश्राम, म.पो.हवा. शबाना शेख, पो.शि. नवनाथ मुंडे असे अनैतिक मानवी वाहतूक प्रतिबंध कक्ष, वर्धा तसेच सायबर सेल येथील पो. हवा. दिनेश बोथकर, अक्षय राऊत गोविंद मुंडे यांनी केली…