मेफेड्रॉन (एम.डी.) व गांजा अंमली पदार्थाची वाहतुक करणा-या सराईत गुन्हेगारांवर स्थानिक गुन्हे शाखेची धडक कार्यवाही

चांदा ब्लास्ट प्रतिनिधी. अविनाश नागदेवे

 श्री. अनुराग जैन पोलीस अधीक्षक वर्धा यांनी अंमली पदार्थ बाळगणारे व विक्री करणारे गुन्हेगारांवर धडक कारवाई करण्याचे स्थानिक गुन्हे शाखेस आदेशीत केल्याने, त्या अनुषंगाने अंमली पदार्थांची विक्री करणा-या गुन्हेगारांवर कारवाई करण्याची स्थानिक गुन्हे शाखेने धडक मोहिम राबविली असुन, दि. 17/07/2025 रोजी स्था.गु.शा. वर्धा येथील पथक पोलीस स्टेशन रामनगर हद्दीत पेट्रोलिंग करीत असतांना, त्यांना मिळालेल्या गोपणीय माहितीवरून जुनापाणी चौरस्ता पिपरी मेधे वर्धा येथे सापळा रचुन सराईत गुन्हेगार आरोपी क्र 1) राजेंद्रसिंग उर्फ गुड्डु लखनसिंग जुनी वय 31 वर्ष रा. गिरीपेठ पिपरी मेघे, वर्धा व त्याचा साथीदार आरोपी क्र 2) कुणाल नारायणस्वामी अल्पवार वय 40 वर्ष, रा. स्वागत कॉलनी डाफे लेआऊट पिपरी मेथे वर्धा यांचेवर एन.डि.पी.एस. अॅक्ट अंतर्गत कार्यवाही केली असता, दोन्ही आरोपी हे संगणमताने मेफेड्रॉन (एम.डी.) व गांजा अंमली पदार्थाची कार ने वाहतुक करतांना मिळुन आले असुन, सदर अंमली पदार्थांचा पुरवठा आरोपी क्र 3) लड्डु गिराड रा. स्वामीनारायण मंदिर जवळ वाठोडा नागपुर याने केल्याचे निष्पन्न झाल्याने, मोक्यावर मिळुन आलेल्या आरोपीतांचे ताब्यातुन 1) 06 ग्रॅम मेफेड्रॉन (एम.डी.) कि. 21,000 रू, 2) 300 ग्रॅम गांजा अंमली पदार्थ कि. 5,880 रू, 3) एक मोबाईल कि. 15,000 रु, 4) एक काळ्या रंगाची होंडा सिटी कार क्र. एम.एच. 29 ए.बी. 7117 कि. 7,00,000 रू असा जु.कि. 7,41,880 रू चा मुद्देमाल जप्त करून, तिन्ही आरोपीतांविरूध्द पो.स्टे. रामनगर येथे एन.डी.पि.एस. कायद्यान्वये गुन्हा नोंद करण्यात आला.

सदरची कार्यवाही पोलीस अधिक्षक श्री. अनुराग जैन यांचे निर्देशाप्रमाणे स्थानिक गुन्हे शाखा जि. वर्धा चे पोलीस निरीक्षक श्री. विनोद चौधरी व पो.उपनि. सलाम कुरेशी, पो.अं. नरेंद्र पाराशर, अरविंद येनुरकर, रोशन निंबोळकर, रवि पुरोहित, सागर भोसले, अक्षय राऊत, दिनेश बोधकर, मिथुन जिचकार, दिपक साठे, अभिषेक नाईक सर्व नेमणुक स्थानिक गुन्हे शाखा वर्धा व फॉरेन्सिक विभागाचे अनिल साटोणे, मंगेश धामंदे यांनी केली.