महात्मा गांधी कनिष्ठ महाविद्यालयात गुणवंत विद्यार्थ्यांचा सत्कार

चांदा ब्लास्ट प्रतिनिधी. प्रा.अशोक डोईफोडे

गडचांदूर शिक्षण प्रसारक मंडळ गडचांदूर द्वारा संचालित महात्मा गांधी कनिष्ठ महाविद्यालय गडचांदूर मध्ये एम एच टी -सी ई टी 2024-25 मधील गुणवंत विद्यार्थ्यांचा सत्कार सोहळा 27 जुन रोजी पार पडला.
कार्यक्रमाला अध्यक्ष म्हणून ग. शि. प्र.मं. गडचांदूर चे संचालक तथा प्राचार्य (राजीव गांधी इंजि. कॉलेज, चंद्रपूर ) मा. डॉ. अनिलराव चिताडे, होते, तर प्रमुख अतिथी म्हणून ग. शि. प्र.मं. चे सचिव मा. धनंजय गोरे , कनिष्ठ महाविद्यालचे प्राचार्य मा. साईनाथ मेश्राम उपप्राचार्य मा. प्रफुल्ल माहुरे तसेच विज्ञान विभाग प्रमुख प्रा. प्रभाकर कोल्हे उपस्थित होते.
कार्यक्रमाचे प्रास्ताविक उपप्राचार्य माहुरे यांनी केले संचालन व आभार प्रदर्शन प्रा. प्रगती आगे यांनी केले कार्यक्रमात सर्व गुणवंत विद्यार्थ्यांचा गौरवचिन्ह व पुस्तक देऊन सत्कार करण्यात आला.
डॉ. अनिलराव चिताडे यांनी वर्ग 12 वी विज्ञान च्या विद्यार्थ्यांना करिअर निवडीसाठी उपलब्ध संधीबद्दल आपल्या अध्यक्षीय भाषणातून मार्गदर्शन केले.
कार्यक्रमाला शिक्षक, शिक्षकेतर कर्मचारी व विद्यार्थी उपस्थित होते.