काँग्रेस नेत्या खा. सोनिया गांधी यांच्या वाढदिवसानिमित्त शिलाई मशीन आणि नोट-बुक वाटप

 चांदा ब्लास्ट

काँग्रेस नेत्या खा. सोनिया गांधी यांच्या वाढदिवसानिमित्त दिनांक ०९ डिसेंबर २०२३ रोजी सकाळी ९ वाजता बल्लारपूर तालुक्यातील इटोली येथे शिलाई मशीन आणि नोट-बुक वाटप कार्यक्रम आयोजित करण्यात आला आहे.

या कार्यक्रमाचे आयोजन जिल्हा काँग्रेस कमिटी चंद्रपूरचे उपाध्यक्ष दिनेश दादापाटील चोखारे यांच्या वतीने करण्यात आले आहे. या कार्यक्रमाला बल्लारपूर नगर पालिकेचे माजी नगराध्यक्ष घनश्याम मुलचंदांनी, ग्रामीण तालुका अध्यक्ष बल्लारपूरचे गोविदा पाटील उपरे यांचेसह अन्य मान्यवरांची उपस्थिती राहणार आहे.

चोखारे हे महाराष्ट्र राज्य बाजार समिती सहकारी संघ मर्यादित, महाराष्ट्रचे संचालक आणि कृषी उत्पन्न बाजार समिती चंद्रपूरचे माजी सभापती तथा संचालक आहेत. तसेच ते जिल्हा परिषद चंद्रपूरचे माजी सभापती, अर्थ व बांधकाम आहेत.

या कार्यक्रमात इटोलीसह बल्लारपूर तालुक्यातील काही गावातील गरीब, बेरोजगार आणि अनाथ महिलांना शिलाई मशीन आणि मुलांना शैक्षणिक साहित्य वाटप करण्यात येणार आहे. या कार्यक्रमात बल्लारपूर तालुक्यातील काँग्रेसचे कार्यकर्ते आणि पदाधिकारी मोठ्या संख्येने उपस्थित राहतील.