जनजातीय गौरव दिवस सेवा सप्ताहानिमित्त विविध योजनेच्या लाभार्थ्यांना प्रमाणपत्रांचे वितरण
चांदा ब्लास्ट प्रतिनिधी. अविनाश नागदेवे
वर्धा : क्रांतिसूर्य भगवान बिरसा मुंडा यांच्या जयंतीनिमित्त तसेच जनजातीय गौरव दिवस सेवा सप्ताहाच्या अनुषंगाने आयोजित कार्यक्रमात विविध शासकीय योजनांचा लाभ घेतलेल्या पात्र लाभार्थ्यांना प्रमाणपत्रांचे वितरण करण्यात आले.
आदिवासी समाजाच्या सामाजिक व आर्थिक सक्षमीकरणास चालना देणे, शासनाच्या विविध कल्याणकारी योजनांचा लाभ पात्र लाभार्थ्यांपर्यंत पोहोचविणे तसेच लाभार्थ्यांना शासकीय योजनांच्या माध्यमातून विकासाच्या मुख्य प्रवाहात आणणे हा या उपक्रमाचा प्रमुख उद्देश आहे.
यावेळी विविध शासकीय योजनांतर्गत लाभ प्राप्त झालेल्या लाभार्थ्यांना संबंधित प्रमाणपत्रांचे वितरण करण्यात आले. या माध्यमातून लाभार्थ्यांना त्यांच्या हक्काच्या शासकीय योजनांचा लाभ मिळाल्याची अधिकृत नोंद उपलब्ध करून देण्यात आली.
भगवान बिरसा मुंडा यांनी आदिवासी समाजाचे हक्क, स्वाभिमान आणि जल, जंगल व जमिनीच्या संरक्षणासाठी केलेल्या संघर्षाची प्रेरणा घेऊन आदिवासी बांधवांचे जीवनमान उंचावण्यासाठी शासन विविध कल्याणकारी योजना राबवित आहे. या योजनांचा लाभ शेवटच्या घटकापर्यंत पोहोचविण्यासाठी जनजातीय गौरव दिवस सेवा सप्ताहाच्या माध्यमातून विविध जनजागृतीपर व लोकाभिमुख उपक्रम राबविण्यात येत आहेत.
या उपक्रमामुळे आदिवासी बांधवांना शासकीय योजनांचा लाभ मिळण्यास प्रोत्साहन मिळणार असून, त्यांच्या सर्वांगीण विकासाच्या दृष्टीने हा उपक्रम महत्त्वपूर्ण ठरणार आहे.
