मुख्यमंत्री देवेंद्र फडणवीस यांच्या वाढदिवसानिमित्त

चांदा ब्लास्ट

चंद्रपूर:- भाजपा चंद्रपूर जिल्हा महानगर, भाजयुमो व भाजपा ओ.बी.सी. मोर्चाच्या वतीने मा. मुख्यमंत्री देवेंद्रजी फडणवीस यांच्या वाढदिवसानिमित्त दि. २२ जुलै २०२६ रोजी सायंकाळी ६ वाजता महेश भवन, तुकूम, चंद्रपूर येथे इयत्ता १० वी व १२ वी च्या परीक्षेमधील गुणवत्ताधारक विद्यार्थ्यांचा सन्मान सोहळा आयोजित करण्यात आला आहे. गुणवंत विद्यार्थ्यांची नोंदणी कार्यक्रमस्थळी सायंकाळी ४ वाजेपासून सुरु करण्यात येईल.

दरवर्षीप्रमाणे यंदाही होत असलेल्या या गुणवंत विद्यार्थी सन्मान कार्यक्रमास पूर्व केंद्रीय गृह राज्यमंत्री मा. हंसराजजी अहीर, चंद्रपूर विधानसभा मतदारसंघाचे आमदार मा. किशोरभाऊ जोरगेवार यांची प्रमुख उपस्थिती लाभणार असून कार्यक्रमास भाजपा चंद्रपूर महानगर पदाधिकारी, भाजयुमो पदाधिकारी व भाजप ओ.बी.सी. मोर्चाचे महानगर पदाधिकारी व कार्यकर्ते उपस्थित राहणार आहे. तरी विद्यार्थी, पालक शिक्षकवृंदानी या कार्यक्रमास उपस्थित राहावे असे आवाहन आयोजकांनी केले आहे.