ग्रामीण वार्ताताज्या घडामोडीमहाराष्ट्र

अस्वलाच्या हल्यात दोघे गंभीर जखमी

सावली वनपरिक्षेत्रातील घटना

चांदा ब्लास्ट प्रतिनिधी. डॉ. शेखर प्यारमवार

सावली मुख्यालयाच्या ३ किलोमीटर असलेल्या सावली वनपरिक्षेत्र अंतर्गत असलेल्या मालपिरंजी लगत शेतशिवारात आज दुपारी अस्वलाने दोघांवर हल्ला केला त्यात रोशन विश्वनाथ तोडासे वय ३८ राहणार मालपिरंजी आणि मनोहर पांडुरंग तोरपकवार वय ६५ राहणार मालपिरंजी हे गंभीर रित्या जखमी झाले.

सविस्तर वृत्त असे की,सध्या धान या उत्पादनाचे कापन आणि बांधणीचे काम जोमात सुरू आहे त्यात रोशन तोडासे हा आपल्या शेतामध्ये नेहमीप्रमाणे शेतातील काम करीत होता अचानक दबा धरून असलेल्या पिल्ले असलेल्याअस्वलाने रोशन तोडासे याच्यावर हल्ला केला हे पाहून बाजूच्या शेतामध्ये बैल चारत असताना मनोहर तोरपकवार यांनी रोशनला वाचविण्यासाठी गेला असता सदर अस्वलीने मनोहर तोरपकवार यांच्यावरही हल्ला केला त्यात दोघेही गंभीर रित्या जखमी झाले.दोघांनाही प्राथमिक उपचाराकरिता ग्रामीण रुग्णालय सावली येथे नेऊन पुढील उपचारासाठी जिल्हा रुग्णालय गडचिरोली येथे भरती करण्यात आले.

सदर घटनेची माहिती तत्काळ वनविभागाला देण्यात आली वनविभागाचे कर्मचारी घटना स्थळ गाठून जखमींना मदत करण्यात आली.सदर अस्वलाच्या हल्ल्याने परिसरातील नागरिकांमध्ये भीतीचे वातावरण निर्माण झाले असून हल्लेखोर अस्वलीचा बंदोबस्त करण्यात यावा अशी मागणी गावकऱ्यांनी केले आहे.

शेअर करा

Related Articles

Back to top button
कॉपी करू नये