गांजा अंमली पदार्थाची विक्री करीता वाहतुक करणा-या महिला गुन्हेगारावर स्थानिक गुन्हे शाखेची धडक कार्यवाही

चांदा ब्लास्ट प्रतिनिधी. अविनाश नागदेवे

   मा. श्री. अनुराग जैन पोलीस अधीक्षक वर्धा यांनी अंमली पदार्थ बाळगणारे व विक्री करणारे गुन्हेगारांवर धडक कारवाई करण्याचे स्थानिक गुन्हे शाखेस आदेशीत केल्याने, त्या अनुषंगाने अंमली पदार्थांची विक्री करणा-या गुन्हेगारांवर कारवाई करण्याची स्थानिक गुन्हे शाखेने धडक मोहिम राबविली असुन, दि. 16 सप्टेंबर 2025 रोजी स्था.गु.शा. वर्धा चे पथक पोलीस स्टेशन समुद्रपुर हद्दीत पेट्रोलिंग करीत असतांना, त्यांना मिळालेल्या गोपणीय माहितीवरून आरोपी रेष्मा मुस्तफा शेख, वय 43 वर्ष, रा. बायपास नाना-नानी पार्क चंद्रपुर हिचेवर मौजा जाम बस स्टॉप परीसर येथे एन.डि.पी.एस. कायद्यान्वये रेड केला असता, आरोपीताजवळील एका ट्रॉलीबॅग व कापडी पिशवीमध्ये गांजा अंमली पदार्थ मिळुन आला. सदर गांजा माल तिने आरोपी रशीद शेख रा. गौतम वार्ड हिंगणघाट याचे सांगणेवरून, मुनीगुडा ओडिसा राज्य येथील आर्यन नावाचा ईसमाकडुन खरेदी केल्याचे निष्पन्न झाल्याने, महिला आरोपीताचे ताब्यातुन निव्वळ 8 किलो 387 ग्रॅम गांजा अमली पदार्थ ट्रॉलीबॅग व दोन अॅन्ड्रॉईंड मोबाईलसह जु.कि. 1,99,240 रु चा मुद्देमाल जप्त करून, सर्व आरोपीतांविरूध्द पो.स्टे. समुद्रपुर येथे एन.डी.पि.एस. कायद्यान्वये गुन्हा नोंद करण्यात आला आहेत.

  सदरची कार्यवाही पोलीस अधिक्षक श्री. अनुराग जैन, अपर पोलीस अधीक्षक श्री. सदाशिव वाघमारे, यांचे निर्देशाप्रमाणे स्थानिक गुन्हे शाखा जि. वर्धा चे पोलीस निरीक्षक श्री. विनोद चौधरी, पो.उपनि. सलाम कुरेशी, पो.अं अरविंद येनुरकर, रोशन निंबोळकर, निलीमा उमक, स्मिता महाजन, रवि पुरोहित, अक्षय राऊत, अभिषेक नाईक, अखिल इंगळे सर्व नेमणुक स्थानिक गुन्हे शाखा वर्धा यांनी केली.