चतुर्थ श्रेणीत समाविष्ट करा!

चांदा ब्लास्ट प्रतिनिधी. अतुल कोल्हे

         महसूल सेवक हे महसूल विभागातील महत्त्वाचा दुवा आहे. शासनाच्या विविध योजना तो समाजातील शेवटच्या घटकांपर्यंत पोहोचविण्याचे महत्त्वपूर्ण काम करीत असतो. मात्र या महसूल सेवकांकडे राज्य शासनाचे कायम दुर्लक्ष होत आहे.

महसूल सेवकांना चतुर्थ श्रेणीत समाविष्ट करण्यात यावे अशी महसूल सेवक संघटनेतर्फे गेल्या कित्येक वर्षांपासून शासनाकडे मागणी करण्यात येत आहे. मात्र या मागणीकडे शासन दुर्लक्ष करीत असल्यामुळे भद्रावती तालुका महसूल सेवक संघटनेतर्फे दिनांक ११ ला येथील तहसील कार्यालयाच्या आवारात बेमुदत धरणे आंदोलनाला सुरुवात करण्यात आली आहे.

या आंदोलनात तालुक्यातील सर्व महसूल सेवक सहभागी झाले आहे. यावेळी महसूल सेवक संघटनेतर्फे शासनाचे विरोधात नारेबाजी करून निदर्शने करण्यात आली. महसूल सेवकांची मागणी मान्य करून शासनाने महसूल सेवकांचा चतुर्थ श्रेणीत समावेश करावा अशी मागणी भद्रावती तालुका महसूल संघटनेचे अध्यक्ष दिलीप नागपुरे यांनी यावेळी केली.

आंदोलनात संघटनेचे अध्यक्ष दिलीप नागपुरे,सचिव संदीप रामटेके, कोषाध्यक्ष राहुल जंगम, उपाध्यक्ष प्रकाश दुपारे, बंडू पारखी, सुरज शेंडे,विजय उईके यांच्यासह इतर महसूल सेवक सहभागी झालेले आहेत.