ब्राईट इंग्लिश मीडियम स्कूलतर्फे व्यसनमुक्ती जनजागृती पथनाट्य
चांदा ब्लास्ट प्रतिनिधी. प्रा. अशोक डोईफोडे
गडचांदूर येथील ब्राईट इंग्लिश मीडियम स्कूलच्या वतीने शाळेत आणि छत्रपती शिवाजी महाराज चौकात विद्यार्थ्यांनी तंबाखू, बिडी, सिगारेट आणि दारू या व्यसनांविरोधात जनजागृतीसाठी पथनाट्य सादर केले. या कार्यक्रमाच्या अध्यक्षस्थानी संस्थेचे अध्यक्ष जगदीश ठावरी होते, तर प्रमुख पाहुणे म्हणून विकास अवघडे आणि प्राचार्या निर्मला ठावरी उपस्थित होत्या.
कार्यक्रमाची सुरुवात राष्ट्रपिता महात्मा गांधी यांच्या प्रतिमेला माल्यार्पण आणि पूजनाने झाली. मान्यवरांनी आपल्या मार्गदर्शनपर भाषणातून व्यसनाधीनतेमुळे कुटुंब आणि समाजाचे होणारे नुकसान पथनाट्याद्वारे प्रभावीपणे मांडले. तसेच विद्यार्थ्यांना विविध स्पर्धांमध्ये सहभाग घेऊन यशस्वी होण्याचे आवाहन केले. प्राचार्या निर्मला ठावरी यांनी प्रास्ताविक भाषणातून विद्यार्थ्यांच्या सुप्त गुणांना प्रोत्साहन देण्यासाठी पालक सभा आणि स्पर्धांचे आयोजन करण्यामागील उद्देश स्पष्ट केला.
शाळेतील पालक सभेच्या निमित्ताने आयोजित विविध स्पर्धांमध्ये कार्तिक चावके, आर्यन मायकलवार, तौकीर शेख, आयुष रागीट, आरोही गणवीर, ओंकार मुंडे, श्लोक बावणे यांसह अनेक विद्यार्थ्यांनी सहभाग घेऊन आपली कला सादर केली. उत्कृष्ट स्पर्धकांना प्रमुख पाहुण्यांच्या हस्ते पारितोषिके देऊन सन्मानित करण्यात आले.
कार्यक्रमाचे संचालन वैशाली इंदोरकर यांनी केले, तर आभार प्रदर्शन प्रियंका भंडारवार यांनी केले. कार्यक्रम यशस्वी करण्यासाठी हेमलता येरणे, गजानन राम, पिंकू ताई धुळे, रसिका तोडे, अनुपमा पांडे, उषा बावणे, मुस्कान शेख, नाजुका वैद्य यांच्यासह शाळेतील सर्व शिक्षकांनी सहकार्य केले. कार्यक्रमाला मोठ्या संख्येने पालक उपस्थित होते.
