पोलीस स्टेशन, वर्धा (शहर) हदीतील कुख्यात गुंड इसमावर एम.पी.डी.ए. कायद्यान्वये कारवाई
चांदा ब्लास्ट प्रतिनिधी. अविनाश नागदेवे
पोलीस स्टेशन, वर्धा (शहर) हद्दीतील इतवारा बाजार, वर्धा परीसरातील कुख्यात गुंड राकेश मुन्ना पांडे, वय ३४ वर्ष रा. इतवारा बाजार, वर्धा याचे विरुध्द पोलीस स्टेशन, वर्धा (शहर), सेवाग्रामचे अभिलेखावर सन २००७ पासुन शरीरा विरुध्द, मालमत्ते विरुध्द तसेच महाराष्ट्र दारुबंदी कायद्या अंतर्गत एकुण ४२ गुन्हे नोंद आहे. ज्यामध्ये खंडणी मागणे, जुगार चालवीणे, गैरकायद्याची मंडळी जमवुन अतौक्रमण करणे, गैरकायद्याची मंडळी जमवून खुनाचा प्रयत्न करणे, अश्लिल शिवीगाळ करुन जिवाणे मारण्याची धमकी देणे, शस्त्रासह दरोडा टाकणे, गैरकायद्याची मंडळी जमवून शासकीय कर्मचाऱ्यावर हमला करुन शासकीय मालमत्तेचे नुकसान करणे, जबरी चोरी करुन ईच्छापुर्वक दुखापत करणे, हद्दपार असतांना प्रतिबंधीत श्रेत्रात प्रवेश करुन अग्नि शस्त्र बाळगणे, भारतीय दंड संहीता व भारतीय न्याय संहीता अंतर्गत गुन्हे करणे, परीसरात दहशत निर्माण करणे, सार्वजनीक शांतता भंग करणे अशा प्रकारचे गुन्हे नोंद आहेत. त्या पैकी २० गुन्हे न्यायप्रविष्ट आहेत. स्थानबध्द ईसम नामे राकेश मुन्ना पांडे रा. इतवारा बाजार, वर्धा याने पोलीस स्टेशन, वर्धा (शहर), रामनगर, सेवाग्राम व पोलीस स्टेशनचे आजुबाजुचे परीसरात जनसामान्यांच्या मनामध्ये स्वतःची प्रचंड दहशत निर्माण केली होती. त्याच्या दहशतीमुळे अनेक पिडीत त्याचे विरुध्द पोलीस स्टेशनला तक्रार देण्यास सुध्दा धजावत नव्हते. त्यामुळे परीसरातील सार्वजनीक शांतता व सुव्यवस्था भंग होवुन सार्वजनीक जिवन विस्कळीत झाले होते. राकेश मुन्ना पांडे रा. ईतवारा बाजार, वर्धा याच्या कृत्यांमुळे पोलीस स्टेशन, वर्धा शहर, रामनगर, सेवाग्राम अंतर्गत येणाऱ्या परीसरामध्ये सार्वजनीक शांतता व सुव्यवस्था भंग होत असल्याने त्याचे व त्याचे गुन्हेगारी गतिवीधी थांबत नसल्याने त्याचे विरुध्द सन २०२२ व सन २०२३ मध्ये कलम ११० (ई) फौजदारी प्रकीया संहीता व सन २०२० व सन २०२२ मध्ये कलम ५५, ५६ मपोका अन्वये वर्धा जिल्हयातून हद्दपार करण्यात आले होते. परंतु अशा प्रतीबंधक कार्यवाहीस सुध्दा तो जुमानत नसल्याचे व सतत गुन्हे करीत असल्याचे निदर्शनास आले.
त्या अनुषंगाने पोलीस निरीक्षक, वर्धा (शहर) यांनी महाराष्ट्र झोपडपट्टीदादा, हाथभट्टीवाले, औषधीद्रव्ये विषयक गुन्हेगार, धोकादायक व्यक्ती, रेती माफीया व जिबनावश्यक वस्तुचा काळाबाजार करणारे यांच्या विघातक कृत्यांना आळा घालण्याबाबत अधिनियम १९८१ (सुधारणा २०१५) अन्वये स्थानबध्द करण्याबाबतचा प्रस्ताय मा. अनुराग जेन, पोलीस अधीक्षक, वर्धा यांचे मार्फतीने मा. जिल्हादंडाधिकारी तथा जिल्हाधिकारी, वयां श्रीमती यान्मथी. सी. यांना सादर केला होता. त्या अनुषंगाने मा. जिल्हादंडाधिकारी तथा जिल्हाधिकारी, वर्धा यांनी दिनांक ०७ जुलै २०२५ रोजी स्थानबध्द आदेश जारी करुन त्यास अमरावती मध्यवर्ती कारागृह, अमरावती येथे स्थानबध्द करण्याचे आदेश पारीत करण्यात आलेले होते. स्थानबध्द आदेशांन्वये त्यास मध्यवर्ती कारागृह, अमरावती येथे स्थानबध्द करण्यात आलेले आहे.
आगामी होणाऱ्या ग्राम पंचायत, जिल्हा परीषद निवडणुका निर्भीड व शांततापूर्ण वातावरणात पार पडण्याचा उद्देशाने अशा अवैधरीत्या दारुविक्रेत्यांवर, तसेच समाजातील गुंड प्रवृत्तीच्या धोकादायक असणाऱ्या व्यक्तींवर एम.पी.डी.ए. कायद्या अंतर्गत कठोर कार्यवाहीचे पुनश्चः संकेत मा. जिल्हादंडाधिकारी तथा जिल्हाधिकारी, वर्धा श्रीमती वान्मयी, सी. तसेच मा. पोलीस अधीक्षक, वां श्री. अनुराग जैन, यांनी दिलेले आहे.
सन २०२४ मध्ये एकुण १९ दारुविक्रेते आणि गुंड प्रवृत्तीच्या गुन्हेगारांना एम.पी.डी.ए. कायद्या अंतर्गत विविध कारागृहामध्ये स्थानबध्द करण्यात आलेले आहे. तसेच सन २०२५ मध्ये अद्याप पावेतो १२ अवैध दारुविक्रेते तसेच गुंड प्रवृत्तीच्या धोकादायक व्यक्तींना कारागृहामध्ये स्थानबध्द करण्यात आले आहे.
सदरची कार्यवाही ही मा. श्री. अनुराग जैन, पोलीस अधीक्षक, वर्धा, डॉ. श्री. सागर कवडे, तत्कालीन अपर पोलीस अधीक्षक, वर्धा, श्री. प्रमोद मकेश्वर, उपविभागीय पोलीस अधिकारी, वर्धा, पो.नि. विनोद चौधरी, स्थानिक गुन्हे शाखा, वर्धा यांचे मार्गदर्शना खाली पो.नि. पराग पोटे, पोउपनि शरद गायकवाड, पोलीस स्टेशन, वर्धा (शहर), पोलीस अंमलदार संजय खल्लारकर, अमोल आत्राम, आशिष महेशगौरी स्थानिक गुन्हे शाखा, वर्धा, पोलीस अंमलदार गजानन धर्म, अभिजीत वाघमारे, वैशाली करमनकर, करीश्मा परचाके पोलीस स्टेशन, वर्धा (शहर) यांनी केली आहे.
