ब्रम्हपुरी- खेड रोड वर आढळला युवकाचा मृतदेह

चांदा ब्लास्ट प्रतिनिधी. नंदू गुद्देवार

ब्रम्हपुरी :- ब्रम्हपुरी – खेड रोड वर आज सकाळी एका युवकाचा मृतदेह आढळल्याने ब्रम्हपुरी शारत एकच खळबळ उडाली सदर युवक हा कहाली येथील पवन गुरुदेव धोटे असून तो बांधकाम मिस्त्री असल्याचे समजते सदर मुलाचे शव हे उपवनसंरक्षक यांच्या शासकीय निवासस्थानासमोर आढळून आले आहे. युवकाने काल सायंकाळी आपल्या घरी उशिरा येणार असल्याचे आपल्या मित्राच्या भ्रमण ध्वनी वरून सांगितले परंतु तो घरी परत गेलाच नाही. या युवकाचा घात की अपघात अश्या शंकांना पेव उठले पोलिसांनी सखोल चौकशी केली असता ज्या मित्राच्या भ्रमण ध्वनी वरून घरी सांगितले त्याच मित्राने त्याची हत्या केल्याचे पोलिस तपासात निष्पन्न झाले. आरोपी रवी साहारे कन्हाळगावं ह्यास 302 कलमान्वये अटक करण्यात आली आहे.

पोलिसांनी सदर प्रेत ताब्यात घेऊन शवविच्छेदन करण्याकरीता ग्रामीण रुग्णालय ब्रम्हपुरी येथे नेले आहे.

यावेळी घटनास्थळी उपविभागीय पोलिस अधिकारी श्री.दिनकर ठोसरे आणि पोलिस निरीक्षक श्री.अनिल जिट्टावार हे आपल्या चमू सोबत हजर होते.