यशोधन विहार आवास प्रकल्पाकडे करोडो रुपये कर थकीत

चांदा ब्लास्ट प्रतिनिधी. अशोक डोईफोडे

कोरपना तालुक्यातील औद्योगिक नगरी नांदा येथे पी. एम. इन्फ्रावेंचर कंपनीचा यशोधन विहार आवास प्रकल्पाचे काम 2018 पासून सुरू आहे यात 1050 सदनिका बांधण्यात येत असून केंद्र सरकार व राज्य सरकारकडून आवास योजने अंतर्गत प्रती सदनिका 2.50 लाख रुपये प्रमाणे 26.25 कोटी रुपयाचे अनुदान म्हाडा मार्फत देण्यात आले आहे प्रकल्पकरिता लागणारी जमीन अकृषक करण्यात आली एकीकडे 172482/- रुपये महसूली कर दरवर्षी तलाठी कार्यालयात भरण्यात येत आहे तर दुसरीकडे नांदा ग्रामपंचायतीला कुठलाही कर भरला नसल्याची धक्कादायक बाब समोर आली आहेत मागील चार वर्षाचा करोडो रुपये कर यशोधन विहार करून वसूल करण्यात यावा अशी मागणी मारोती बुडे यांनी गटविकास अधिकारी पंचायत समिती यांचे कडे केली आहे प्रशासन कर वसूलणार का याकडे नागरिकांचे लक्ष लागले आहेत

सविस्तर वृत्त असे की मौजा नांदा येथे पी. एम. इन्फ्रावेंचर कंपनीचा विहार या नावाने आवास प्रकल्पाचे काम सुरू आहेत यात 1050 सदनिका तयार करुन विक्री करण्यात येत आहे प्रकल्पाला लागणारी जागा तहसीलदार कोरपना यांचे आदेशान्वये अकृषक करण्यात आली आहेत प्रकल्प धारकाकडून दरवर्षी 172482/- रुपये इतका कर तलाठी नांदा यांचेकडे भरणा केला जात आहे सदर प्रकल्प नांदा ग्रामपंचायतचे हद्दीत येत असल्याने ग्रामपंचायतला कराचा भरणा करणे गरजेचे होते परंतु कुठल्याही कराचा भरणा ग्रामपंचायतला केलेला नाही सूत्रांकडून मिळालेल्या माहितीनुसार प्रकल्पाला केंद्र सरकारची मंजुरी आहे प्रकल्प कोरपना नगरपंचायतीचे कार्यक्षेत्रात येत असल्याचे कागदोपत्री दाखविले आहे प्रकल्प नगरपंचायतीचे हद्दीत दर्शविला असल्याने ग्रामपंचायतीला कराचा भरणा केला जात नसावा काही महिन्यापूर्वी यशोधन विहार आवास प्रकल्पाकडून 4 लाखात घर अशी फसवी जाहिरात करून नागरिकांची दिशाभूल करण्यात येत आहे यावरून चांगलेच रणकंदन माजले होते लक्षवेधीच्या माध्यमातून विधानसभेतही मुद्दा उपस्थित करण्यात आला होता उपमुख्यमंत्री देवेंद्र फडणवीस यांनी चौकशी करणार असल्याचे सांगितले होते त्या चौकशीचे काय झाले यावर कोणीही काहीही बोलायला तयार नाही यशोधन विहार आवास प्रकल्पाकरिता लागणारी जमीन सन 2018-19 मध्ये अकृषक केल्यानंतर प्रकल्पधारकाने ग्रामपंचायतीला कर भरला नसल्याचा प्रकार समोर आला असून प्रकल्प धारकाकडून मागील चार वर्षाचा करोडो रुपये कर वसूल करावा अशी तक्रार पंचायत समिती कोरपना यांचेकडे करण्यात आली आहे

प्रकल्प धारकाकडून शासनाची दिशाभूल

यशोधन विहार आवास प्रकल्प मौजा नांदा येथील भूमापन क्रमांक 56,55/3,35/1,35/3, व 57 या शेतजमिनीवर आहेत ही शेत जमीन नांदा ग्रामपंचायतचे हद्दीत येत असून केंद्र सरकारकडून प्रकल्पाचे मंजुरी करिता व शहरी आवास योजनेअंतर्गत प्रधानमंत्री आवास योजनेचे अनुदान लाटण्याकरिता प्रकल्प कोरपना नगरपंचायतीची हद्दीत येत असल्याचे कागदोपत्री दर्शवून प्रकल्प धारकाकडून शासनाची दिशाभूल करण्यात आली आहेत

पी. एम इन्फ्रावेंचर कंपनी कडून अकृषक केलेल्या जागेचा कर नांदा ग्रामपंचायतीला भरण्यात येत नसल्याची माहिती मला मिळाली तब्बल 4 वर्ष कर आकारला नाही याबाबत बिडीओ व सरपंच सचिव यांचे कडे लेखी तक्रार दिली आहे करोडो रुपयाच्या कराने एखाद्या वॉर्डाचा संपूर्ण विकास होऊ शकतो

मारोती बुडे
तक्रारकर्ता, नांदा

मौजा नांदा येथील भूमापन क्रमांक 56,55/3,35/1,35/3, व 57 या शेत जमिनीचा अकृषक वापर सुरू होता तहसीलदार कोरपना यांनी 2018-19 मध्ये केलेल्या आदेशानुसार तलाठी साझा नांदा कडून दरवर्षी 172482/- रुपये अकृषक कर वसूलला जातो. ग्रामपंचायतीने कर वसूल करवा अथवा नाही ही जबाबदारी सरपंच सचिवाची आहे

विकास चिने
तलाठी, नांदा

नांदा येथील ग्रामस्थ मारोती बुडे यांचे कराचा भरणा केला जात नाही असे निवेदन पंचायत समितीला प्राप्त झाले आहेत नांदा ग्रामपंचायतीच्या सचिवांना कर आकारण्याची कारवाई करावी अशा सूचना दिल्या आहेत

विजय पेंदाम
गटविकास अधिकारी,
पं.स.कोरपना