किशोरभाऊ वडेट्टीवारांचा आज करंजी_खराळपेठ जिल्हा परिषद क्षेत्रात नवरात्रोत्सव भेट दौरा

चांदा ब्लास्ट प्रतिनिधी. राजेश डोंगरे

गोंडपिपरी :_ करंजी _ खराळपेठ जिल्हा परिषद क्षेत्रातील २४ गावांमध्ये नवरात्रोत्सवाच्या निमित्ताने काँग्रेसचे नेते किशोरभाऊ वडेट्टीवार यांच्या भेटीचा कार्यक्रम आयोजित करण्यात आला आहे. शनिवार, दिनांक १७ ऑक्टोबर २०२६ रोजी हा दौरा पार पडणार असून, या माध्यमातून गावागावांतील नागरिक, काँग्रेस पदाधिकारी आणि कार्यकर्त्यांशी संवाद साधला जाणार आहे. यावेळी विविध गावांमध्ये भेटी दिल्या जाणार आहेत.

नवरात्रोत्सवाच्या पार्श्वभूमीवर आयोजित या दौऱ्यामुळे करंजी_खराळपेठ जिल्हा परिषद क्षेत्रातील राजकीय आणि सामाजिक वातावरणात उत्साहाचे वातावरण निर्माण झाले आहे. काँग्रेस नेते किशोरभाऊ वडेट्टीवार यांच्या उपस्थितीत होणाऱ्या या भेटीदरम्यान स्थानिक पदाधिकारी व कार्यकर्त्यांची उपस्थिती राहणार आहे.

शनिवार, १७ ऑक्टोबर रोजी दौऱ्याची सुरुवात दुपारी ३ वाजता करंजी येथून होणार आहे. त्यानंतर जोगापूर, आक्सापूर, बेरडी मोठी, पेल्लूर, बोरगाव, शिरसी देऊळवार, चेकबेरडी, वडकुलि, लिखितवाडा, वढोली, खराळपेठ, चेक बोरगाव, व्यंकटपूर, धानापूर, विहीरगाव, धामणपेठ, वटराणा, सुकवाशी, गणेशपिपरी, चेकपिपरी, सुरगाव, घडोली, चेक घडोली या गावामध्ये भेटी देण्यात येणार आहेत.

या दौऱ्याच्या नियोजनात काँग्रेसचे तालुकास्तरीय पदाधिकारी आणि कार्यकर्त्यांचा सहभाग राहणार आहे. अशोक रेचनकर, सौनी दिवसे, विपिन पेद्दुलवार , महेंद्र कुनघाडकर, कमलेश निमगडे, सारनाथ बक्षी, राजू झाडे, साईनाथ कोडापे, रफिक शेख आणि राजेश डोंगरे यांच्यासह अन्य काँग्रेस पदाधिकारी व कार्यकर्ते उपस्थित राहणार आहेत.

नवरात्रोत्सवाच्या निमित्ताने आयोजित या दौऱ्यातून ग्रामीण भागातील नागरिकांशी संपर्क साधण्याची संधी मिळणार आहे. गावांतील नागरिक, स्थानिक पदाधिकारी आणि कार्यकर्त्यांशी संवाद साधत या क्षेत्रातील जनसंपर्क अधिक दृढ करण्यावर भर राहण्याची अपेक्षा आहे.

दरम्यान, संबंधित गावांतील काँग्रेस पदाधिकारी, कार्यकर्ते आणि नागरिकांनी जाहीर केलेल्या वेळापत्रकानुसार आपल्या गावात होणाऱ्या भेटीदरम्यान उपस्थित राहावे, असे आवाहन करण्यात आले आहे.