अज्ञात वाहनाच्या धडकेत एकाचा मृत्यू
अज्ञात वाहनाविरुद्ध गुन्हा दाखल, पुढील तपास सुरू
चांदा ब्लास्ट प्रतिनिधी. प्रा. शेखर प्यारमवार
गडचिरोली-चंद्रपूर महामार्गावरील चुनारकर पेट्रोल पंपाजवळ काल रात्री 10.30 च्या सुमारास अज्ञात वाहनाच्या धडकेत एका 35 वर्षीय तरुणाचा मृत्यू झाला.
सावली पोलिसांनी दिलेल्या माहितीनुसार, सोमवारी रात्री 10.30 च्या सुमारास त्यांना गडचिरोली-चंद्रपूर महामार्गावरील चुनारकर पेट्रोल पंपाजवळ अपघात झाल्याची माहिती मिळाली. अपघातस्थळी पोहोचल्यावर पोलिसांना रस्त्याच्या मधोमध एक व्यक्ती मृतावस्थेत पडलेली दिसली. अमोल डंबाजी झंझाळ (३५, रा आंबेशिवणी जिल्हा – गडचिरोली) असे या व्यक्तीचे नाव आहे. अज्ञात चारचाकी वाहनाने पीडिताला धडक दिल्याचे अपघातस्थळी उपस्थित असलेल्या लोकांनी पाहिले.
त्याच्या कुटुंबीयांना पोलिसांना माहिती दिली. पोलिसांनी पीडित व अपघातस्थळाची पाहणी करून मृतदेह शवविच्छेदनासाठी ग्रामीण रुग्णालय, सावली येथे पाठविला. अज्ञात वाहनाविरुद्ध गुन्हा दाखल करीत पुढील तपास सावली पोलीस करत आहेत.
