त्या अल्पवयीन मुलीची ओळख पटविणारा फोटो किंवा व्हिडिओ समाजमाध्यमात प्रसारित करू नका – रविंद्र शिंदे ह्यांचे आवाहन
पोलीस विभागाने सतर्क राहुन अशा प्रकरणावर आळा घालण्याचे आवाहन
चांदा ब्लास्ट तालुका प्रतिनिधी
आशिष रैच राजुरा
वरोरा शहरात एका अल्पवयीन मुलीकडून एक 22 वर्षीय महिला व तिचा पुरुष साथीदार वेश्या व्यवसाय करवून घेत असल्याचे धक्कादायक वास्तव उघडकीस आले. ह्या घटनेने समाजमन सुन्न झाले असले तरीही काही खोडसाळ व्यक्ती संबधित अल्पवयीन मुलीची ओळख जाहिर करण्याच्या दृष्टीने मुलीचे फोटो तसेच व्हिडिओ समाज माध्यमातून प्रसारित करीत असल्याची माहिती प्राप्त होत आहे. त्या मुलीची बदनामी करण्याच्या उद्देशाने समाज माध्यमांवर सुरू असलेला हा किळसवाणा प्रकार तत्काळ थांबविण्यात यावा असे आवाहन शिवसेना उद्धव बाळासाहेब ठाकरे गटाचे वरोरा-भद्रावती विधानसभा प्रमुख रविंद्र शिंदे यांनी केले आहे.
कुठल्याही लैंगिक अत्याचार प्रकरणातील पिडीत महिलांची ओळख जाहिर करणे कायद्याने गुन्हा आहे. त्यातल्यात्यात पिडीत जर अल्पवयीन असेल तर त्या पिडीतेची ओळख पटवूनदेण्याची कोणतीही कृती गंभीर गुन्ह्याच्या श्रेणीत येत असुन असे करणाऱ्यांवर सुद्धा बाल लैंगिक अत्याचार विरोधी कायद्यान्वये (पोस्को) गुन्हा नोंदविण्याचे तरतूद असल्याने असे कृत्य करणाऱ्यांवर ह्या कायद्याने गुन्हा नोंदवून त्यांना अटक होऊ शकते त्यामुळे कृपया असे कृत्य कुणीही करू नये असेही रवींद्र शिंदे ह्यांनी म्हंटले आहे.
अतिशय संवेदनशील असलेल्या ह्या प्रकरणात पोलिसांनी देखिल सतर्क राहून असे कृत्य घडू नये ह्याची दक्षता घेण्याची मागणी करतानाच कुणी असे करीत असल्याचे आढळून आल्यास त्या व्यक्तीवर कायदेशीर कारवाई करण्याची मागणी रवींद्र शिंदे ह्यांनी केली आहे.
एका अल्पवयीन मुलीचा व्हिडीओ वायलर करणारा कुणीही व्यक्ती असो, ज्यांनी हा घाणेरडा प्रकार केला आहे, त्या विरोधात समाजाचे हित लक्षात घेता, एक सुजान नागरीक म्हणून यांचे विरोधात मी कायदेतज्ञांचे मार्गदर्शन घेवुन कायदेशीर कारवाई करणार. भविष्यात असे प्रकाराची पुन्हा पुन्हा पुनरावृत्ती नको.
रविंद्र श्रीनिवास शिंदे