महात्मा गांधी सायन्स महाविद्यालयात स्पर्धा परीक्षा कार्यशाळेचे आयोजन
चांदा ब्लास्ट प्रतिनिधी. अशोक डोईफोडे
गडचांदूर येथील महात्मा गांधी कॉलेज ऑफ सायन्स या महाविद्यालयात दिनांक २ सप्टेंबर रोज शनिवारला स्पर्धा परीक्षा कार्यशाळेचे आयोजन महाविद्यालयाचे प्राचार्य डॉ. शैलेंद्र देव यांच्या अध्यक्षतेखाली करण्यात आले. स्पर्धा परीक्षा कार्यशाळेचे आयोजन महाविद्यालयाचे कॅरिअर कट्टाचे समन्वयक प्रा. पवन चटारे हे होते. कार्यक्रमाचे प्रमुख पाहुणे म्हणून प्रा. डॉ नरेशचंद्र काठोळे विभाग प्रमुख त्रिवेणी फौंडेशन अमरावती यांनी मार्गदर्शन केले. स्पर्धा परीक्षा ची तयारी कशी करावी, याबाबत सविस्तर मार्गदर्शन केले, हा कार्यक्रम करिअर गायडन्स अँड प्लेसमेंट सेल आणि महात्मा गांधी कॉलेज ऑफ सायन्स गडचांदूर त्यांच्या सयुंक्त विद्यमाने ‘मिशन आय ए एस ‘ च्या उद्दिष्टपूर्तीसाठी घेण्यात आला.
भविष्यातील चांगल्या आयुष्यासाठी स्पर्धा परीक्षेची तयारी किती आवश्यक आहे याचे विद्यार्थ्यांना महत्व समजावे यासाठी महाविद्यालय स्तरावर हा कार्यक्रम घेण्यात आला होता. या कार्यक्रमासाठी महाविदयालयाचे शिक्षक शिक्षकेतर कर्मचारी व मोठ्या प्रमाणात विद्यार्थी उपस्थित होते. प्रा. पवन चटारे यांनी पाहुण्यांचे, अध्यक्षाचे व विद्यार्थ्यांचे आभार मानले.