नाविन्यपूर्ण उपक्रमांतर्गत नवरत्न पुरस्कार स्पर्धेत

चांदा ब्लास्ट प्रतिनिधी. विजय वासेकर

पोंभुर्णा : जिल्हा परिषद चंद्रपूर अंतर्गत राबविण्यात येणाऱ्या नाविन्यपूर्ण उपक्रम योजनेअंतर्गत आयोजित करण्यात आलेल्या नवरत्न पुरस्कार स्पर्धेत जिल्हा परिषद उच्च प्राथमिक शाळा, देवाडा खुर्द हिने उल्लेखनीय यश संपादन करत अव्वल स्थान पटकावले आहे.

जिल्हा परिषद चंद्रपूर यांच्या वतीने गेल्या सुमारे १३ वर्षांपासून ही स्पर्धा नियमितपणे आयोजित केली जात असून, जिल्हा परिषद शाळांमधील विद्यार्थ्यांच्या सुप्त कलागुणांना वाव देणे हा या उपक्रमाचा प्रमुख उद्देश आहे. ही स्पर्धा प्राथमिक व उच्च प्राथमिक अशा दोन स्तरांवर घेतली जाते.

या अंतर्गत कथाकथन, स्वयंस्फूर्त भाषण, स्वयंस्फूर्त लेखन, चित्रकला, वादविवाद, एकपात्री अभिनय, सुंदर हस्ताक्षर, बुद्धिमापन व स्मरणशक्ती अशा एकूण नऊ स्पर्धांचा समावेश असतो.

जिल्हा परिषद उच्च प्राथमिक शाळा, देवाडा खुर्द येथील मुख्याध्यापिका डॉ. सौ. अल्का दीपक ठाकरे यांच्या प्रेरणा व सक्षम नेतृत्वाखाली तसेच

श्री. अशोक पानसे, श्री. निलेश गिरडकर, श्री. गजानन सावलीकर, सौ. शामला तरवटकर व सौ. सुधा धामणगे या शिक्षकांच्या मार्गदर्शनामुळे विद्यार्थ्यांनी घवघवीत यश संपादन केले.

प्राथमिक विभागातील यश

सुंदर हस्ताक्षर : कु. साराक्षी आशिष कस्तुरे – प्रथम क्रमांक

स्वयंस्फूर्त भाषण : कु. नूत्यश्री देऊरमले – प्रथम क्रमांक

स्वयंस्फूर्त लेखन : कु. नूत्यश्री देऊरमले – प्रथम क्रमांक

एकपात्री अभिनय : कु. श्रावस्ती निमसरकार – प्रथम क्रमांक

वादविवाद : कु. श्रावस्ती निमसरकार – प्रथम क्रमांक

उच्च प्राथमिक विभागातील यश

वादविवाद : कु. अश्लेषा बुरांडे – प्रथम क्रमांक

स्वयंस्फूर्त भाषण : कु. माही वासेकर – प्रथम क्रमांक

स्वयंस्फूर्त लेखन : कु. माही वासेकर – प्रथम क्रमांक

बुद्धिमापन : केतन नैताम – प्रथम क्रमांक

चित्रकला : कु. श्रावणी भंडारे – द्वितीय क्रमांक

कथाकथन : कु. जानवी सोमणकर – द्वितीय क्रमांक

पोंभुर्णा तालुकास्तरीय स्पर्धेतील यश

प्राथमिक विभाग

सुंदर हस्ताक्षर : कु. साराक्षी आशिष कस्तुरे – द्वितीय क्रमांक

स्वयंस्फूर्त भाषण : कु. नूत्यश्री देऊरमले – प्रथम क्रमांक

एकपात्री अभिनय : कु. श्रावस्ती निमसरकार – द्वितीय क्रमांक

उच्च प्राथमिक विभाग

वादविवाद : कु. अश्लेषा बुरांडे – द्वितीय क्रमांक

स्वयंस्फूर्त भाषण : कु. माही वासेकर – प्रथम क्रमांक

स्वयंस्फूर्त लेखन : कु. माही वासेकर – द्वितीय क्रमांक

बुद्धिमापन : केतन नैताम – द्वितीय क्रमांक

या यशाबद्दल शाळेत विशेष अभिनंदन कार्यक्रमाचे आयोजन करण्यात आले असून, विद्यार्थ्यांचे, मार्गदर्शक शिक्षकांचे व मुख्याध्यापिकांचे सर्व स्तरातून कौतुक होत आहे.