विद्यार्थ्यांसाठी सुवर्णसंधी! महात्मा फुले शिष्यवृत्ती स्पर्धा २०२६-२७ चे आयोजन
चांदा ब्लास्ट प्रतिनिधी. प्रमोद गिरडकर
कोरपणा :_ स्टुडंट फोरम ग्रुप, कोरपणा यांच्या वतीने विद्यार्थ्यांच्या शैक्षणिक प्रगतीला प्रोत्साहन देण्यासाठी महात्मा फुले शिष्यवृत्ती स्पर्धा २०२६-२७ चे आयोजन करण्यात आले आहे. या स्पर्धेच्या माध्यमातून गुणवंत विद्यार्थ्यांना शिष्यवृत्ती व पारितोषिके देऊन त्यांचा गौरव करण्यात येणार आहे.
१ नोव्हेंबर २०२६ रोजी परीक्षा
महात्मा फुले शिष्यवृत्ती स्पर्धेची परीक्षा रविवार, दिनांक १ नोव्हेंबर २०२६ रोजी सकाळी ११ वाजता आयोजित करण्यात आली आहे. परीक्षेचे केंद्र कोरपणा येथील परीक्षा केंद्र क्रमांक १, वसंतराव नाईक विद्यालय, कोरपणा येथे असून, परीक्षा केंद्र क्रमांक २, /स्व,संगीता चटप माध्यमिक आश्रम शाळा कोरपना येथे करण्यात आले आहे.
प्रथम, द्वितीय व तृतीय क्रमांकाच्या विद्यार्थ्यांना आकर्षक बक्षिसे
या स्पर्धेत पाचवी ते दहावीपर्यंतच्या विद्यार्थ्यांसाठी विविध गटांमध्ये बक्षिसांची व्यवस्था करण्यात आली आहे.
५ वी ते ७ वी गट
प्रथम बक्षीस : १२,००० रुपये
द्वितीय बक्षीस : १०,००० रुपये
तृतीय बक्षीस : ८,००० रुपये
८ वी ते १० वी गट
प्रथम बक्षीस : ८,००० रुपये
द्वितीय बक्षीस : ६,००० रुपये
तृतीय बक्षीस : ४,००० रुपये
याशिवाय विद्यार्थ्यांना प्रोत्साहनपर बक्षिसे देण्यात येणार आहेत. स्पर्धेसाठी प्रवेश शुल्क केवळ ५० रुपये असून, प्रवेश घेण्याची अंतिम तारीख ३० ऑक्टोबर २०२६ निश्चित करण्यात आली आहे.
विद्यार्थ्यांनी मोठ्या संख्येने सहभागी व्हावे
विद्यार्थ्यांच्या सर्वांगीण विकासाला चालना मिळावी, त्यांच्यात स्पर्धा परीक्षांची आवड निर्माण व्हावी आणि शैक्षणिक गुणवत्तेला प्रोत्साहन मिळावे, या उद्देशाने या स्पर्धेचे आयोजन करण्यात आले आहे. त्यामुळे कोरपणा तालुक्यातील विद्यार्थ्यांनी या सुवर्णसंधीचा लाभ घेऊन मोठ्या संख्येने सहभागी व्हावे, असे आवाहन आयोजकांच्या वतीने करण्यात आले आहे.
संपर्कासाठी : ८०८०५०२०७६, ७०३०१०९३६९
विद्यार्थ्यांच्या उज्ज्वल भविष्यासाठी एक पाऊल!
महात्मा फुले शिष्यवृत्ती स्पर्धा २०२६-२७ — गुणवत्तेला प्रोत्साहन, विद्यार्थ्यांना नवी दिशा!
