चांदा ब्लास्ट प्रतिनिधी. प्रा. अशोक डोईफोडे
वेदमूर्ती घनपाठी श्री.महेशजी रेखे यांचे सुपुत्र चि.देवव्रत महेशजी रेखे यांचे श्रीक्षेत्र काशी येथे राम मंदिराचे मुहूर्तकर्ते, पद्मश्री पंडितप्रवर गणेश्वरशास्त्री द्रविड यांच्या सानिध्यात वल्लभराम शालिग्राम सांगवेद विद्यालय येथे दंडक्रम पारायण सुरू आहे. वैदिक क्षेत्रातील विद्वानांच्या मते मागील एक हजार वर्षात हे पारायण केवळ दुसऱ्यांदा होते आहे. आणि प्रथम पारायण हे चि.देवव्रत यांचे पिताश्री वेदमूर्ती श्री.महेशजी रेखे यांनीच केले होते हे विशेष!
या ऐतिहासिक अद्वितीय अशा पारायणास दोन दिवस उपस्थित राहून पारायणकर्ते चि.वेदमूर्ती देवव्रतजी रेखे व त्यांचे तीर्थरूप वेदमूर्ती श्री.महेशजी रेखे गुरुजी, या पारायणाचे मुख्य श्रोता वेदमूर्ती श्री.देवेन्द्रजी गढीकर गुरुजी व परायणासाठी सर्वतोपरी सर्व कार्यात आपले बहुमूल्य योगदान देणारे वेदमूर्ती श्री.नीलेशजी केदार गुरुजी यांचा श्रीसंत नरहरिनाथमहाराज संस्थान च्या वतीने श्रीज्ञानेश्वरमाऊलींची मूर्ती देऊन सन्मान केला.
संपूर्ण भारतातील अनेक विद्वान साधू संतांची प्रत्यक्ष उपस्थिती व आशीर्वाद लाभत आहेत.
समारोपीय कार्यक्रमात शृंगेरी पिठाच्या वतीने सुवर्ण कंकण व *दंडक्रम विक्रमादित्य* अशी भारतातील प्रथम पदवी या अद्भुत व अद्वितीय बालक वेदमूर्तींना प्राप्त होणार आहे. परमहंस परिव्राजकाचार्य १००८ परमपूज्य श्री.श्री.अनिरुद्धानंदतीर्थ स्वामीजी यांचे पावन सानिध्य व आशीर्वाद सर्वांना लाभले.
कार्यक्रमात येथे वडील जे करिती या ज्ञानोबारायांच्या ओवीला समोर ठेऊन मनोगत व्यक्त केले.
वेदमूर्ती श्री.महेशजी रेखे यांचेकडून वेदोनारायणाचा प्रसाद मिळाला.
वेदमूर्ती श्री.अनंत शास्त्री मुळे, श्री.विशालगुरुजी औंढेकर व इतर मान्यवर मंडळींचीही भेट झाली.
