पोलीस कर्मचारी स्मिता महाजन यांना चित्रा वाघ यांच्या हस्ते सन्मान

चांदा ब्लास्ट प्रतिनिधी. अविनाश नागदेवे

वर्धा पोलीस विभागात कार्यरत असलेल्या महिला पोलीस कर्मचारी स्मिता महाजन यांना, त्यांनी सायबर जनजागृतीसाठी केलेल्या महत्त्वपूर्ण आणि प्रभावी कार्याबद्दल, वर्धा कला महोत्सव समिती द्वारे आयोजित महिला सांस्कृतिक महोत्सव या कार्यक्रमात त्यांना भाजपच्या राष्ट्रीय सचिव सौ. चित्रा वाघ यांच्या हस्ते सन्मानित करण्यात आले.

स्मिता महाजन यांनी सायबर फ्रॉड आणि ऑनलाइन फसवणुकीच्या वाढत्या घटनांना आळा घालण्यासाठी जिल्ह्यात मोठ्या प्रमाणावर जनजागृती मोहीम राबवली. त्यांच्या अथक प्रयत्नांमुळे आणि सातत्यपूर्ण मार्गदर्शनामुळे वर्धा जिल्ह्यात सायबर गुन्ह्यांचे प्रमाण लक्षणीयरीत्या कमी होण्यास मदत होत आहे.

याबद्दल बोलताना, सौ. चित्रा वाघ यांनी स्मिता महाजन यांच्या कार्याचे कौतुक केले आणि त्या इतर पोलीस कर्मचाऱ्यांसाठी एक प्रेरणास्रोत असल्याचे सांगितले.

स्मिता महाजन यांचा हा सन्मान केवळ त्यांच्या वैयक्तिक कार्याचा गौरव नसून, वर्धा पोलीस दलाच्या कार्यक्षमतेचे आणि सामाजिक बांधिलकीचे प्रतीक आहे. त्यांच्या या यशाबद्दल वर्धा पोलीस विभागाचे सर्व अधिकारी व कर्मचारी त्यांचे अभिनंदन करत आहेत आणि त्यांच्या भावी कार्यासाठी शुभेच्छा देत आहेत.