निमणी येथे दोन दिवसातच सिमेंट काँक्रिट रोडवर पडल्या २० भेगा
निकृष्ट दर्जाचे साहित्य वापरल्याचा आरोप
चांदा ब्लास्ट प्रतिनिधी. प्रा. अशोक डोईफोडे
बांधकाम विभागाचे सर्रास दुर्लक्ष
कोरपना तालुक्यातील निमणी येथे प्रमोद बुऱ्हाण ते धुणकी रोड पर्यंत साठ मिटर सिमेंट काँक्रिट रोडचे बांधकाम करण्यात आले सदर बांधकाम आमदार स्थानिक विकास निधी अंतर्गत ९.९० लाख रुपये खर्च केल्याने दोन दिवसाताच रोडवर भेगा पडल्याने बांधकाम यंत्रणेच्या दुर्लक्षाने कंत्राटदाराच्या मुजोरीने निकृष्ट दर्जाचे काम केल्याचा आरोप गावकऱ्यांनी केला आहे.
सदर बांधकाम केलेल्या सिमेंट काँक्रिट रोडवर माती मिश्रीत रेती व गिट्टी वापरल्याने रस्त्याच्या मधोमध व संपूर्ण रोडवर मोठ मोठ्या २० च्या वर भेगा पडल्याने संपूर्ण कामच अंदाज पत्रकाप्रमाणे झाले नसून अत्यंत निकृष्ट दर्जाचे झाले आहे.
या कामावर अभियंता हजर राहात नसल्याने कंत्राटदारांनी आपल्या मनमर्जी प्रमाणे काम केले आहे. या रस्त्यासाठी वापरण्यात येणारे साहित्य, तसेच अत्यल्प सिमेंट माती मिश्रीत रेती व गिट्टी वापरले जात असल्याने कोणतीही सोलिंग नाही कॉम्प्रेशन नाही रोडवर पाणी नाही डब्ल्यू सी एल येथील ओबी मिश्रीत घिस्सा वापरून काम केल्याने सिमेंट काँक्रिट रोडवर भेगा पडल्याने संपूर्ण काम निकृष्ट दर्जाचे झाल्याने कंत्राटदार व संबंधित अधिकाऱ्यांनवर कार्यवाही करावी अन्यथा गावकऱ्यांच्या वतीने आंदोलन करू
सपूर्ण काम निकृष्ट दर्जाचे आहे सिमेंट काँक्रिट रोडची पिसिसी करण्यात आली त्या वरच आर सी सी करायला पाहिजे होती परंतु कंत्राटदाराने मुजोरीने माझ्या जाग्यात १ मीटर सिमेंट रोड टाकल्याने तो तोडून समोरील काम पूर्ण करावे अन्यथा आंदोलन करू.
देवेंद्र ढवस, निमणी येथील नागरीक
संपूर्ण सिमेंट काँक्रिट रोडवर भेगा पडल्या आहे लवकरच आम्ही ग्राऊंटिंग करून भेगा बुजवू तसेच एक मीटर रस्ता पिसिसी सोडून आर सी सी केल्याने वरिष्ठांचे मार्गदर्शन घेऊ
साक्षी पवार, कनिष्ठ अभियंता गडचांदुर
