यशवंत महाविद्यालयात बिरसा मुंडा जयंती जनजाती गौरव दिन उत्साहात साजरा

चांदा ब्लास्ट प्रतिनिधी. अविनाश नागदेवे

यशवंत महाविद्यालयाच्या सांस्कृतिक विभागाच्या वतीने शनिवार, 15 नोव्हेंबर 2025 रोजी बिरसा मुंडा यांची जयंती ‘जनजाती गौरव दिन’ म्हणून उत्साहपूर्ण वातावरणात साजरी करण्यात आली. कार्यक्रमात समाजातील आदिवासी परंपरा, संस्कृती आणि त्यांच्या स्वातंत्र्य संग्रामातील योगदानाचा गौरवपूर्ण आढावा घेण्यात आला. कार्यक्रमाच्या अध्यक्षस्थानी प्राचार्य डॉ. गिरीश ठाकरे उपस्थित होते.

सर्वप्रथम राष्ट्रसंत तुकडोजी महाराज व बिरसा मुंडा यांच्या प्रतिमेला माल्यार्पण करून व्यासपीठावर उपस्थित मान्यवरांचे पुष्पगुच्छ देऊन स्वागत करण्यात आले.

यावेळी प्राचार्य डॉ. गिरीश ठाकरे यांनी आपल्या मनोगतात सांगितले की बिरसा मुंडा हे केवळ आदिवासी समाजाचे नेते नव्हते, तर ते भारतीय स्वातंत्र्य संघर्षातील अद्वितीय क्रांतिकारीचे प्रेरणास्त्रोत होते. त्यांनी शोषण, अन्याय आणि सामाजिक विषमतेविरुद्ध आवाज उठवून आत्मसम्मानाची ज्योत पेटविली. आजच्या पिढीने त्यांच्या संघर्षातून जिद्द, परिश्रम आणि राष्ट्रभक्तीची प्रेरणा घ्यावी.

प्रमुख वक्ते म्हणून प्रा. संदीपकुमार रायबोले यांनी बिरसा मुंडा यांच्या आदिवासी समाजजागृती, स्वाभिमान आणि संघर्षमय जीवनावर विचार मांडले. त्यांनी आपल्या भाषणात तरुणांना सामाजिक समता, स्वातंत्र्य आणि लोकहिताचे मूल्य आत्मसात करण्याचे आव्हान केले.

कार्यक्रमाचे संयोजक डॉ. संजय धोटे यांनी आयोजनाविषयी माहिती देताना आदिवासी समाजाच्या समृद्ध सांस्कृतिक परंपरेचे संवर्धन करण्याचे महत्त्व स्पष्ट केले. त्यांनी विद्यार्थ्यांना व उपस्थितांना बिरसा मुंडा यांच्या कार्यातून प्रेरणा घेण्याचे आवाहन करणारा संदेश दिला. या कार्यक्रमाचे संचालन डॉ. दीपक महाजन यांनी तर आभार प्रा. प्रफुल्ल काळे यांनी माणले.

कार्यक्रमात डॉ. रवीन्द्र बेले, डॉ. नरेश कवाडे, डॉ. नत्थु खोडे, डॉ. बुद्धघोष लोहकरे, प्रा. एकनाथ मुरकुटे, डॉ. प्रमोद नारायणे, प्रा. संदीप चव्हाण, डॉ. अतुल सिदुरकर, डॉ. दीपक महाजन, प्रा. प्रफुल्ल काळे, डॉ. सरिता विश्वकर्मा, डॉ. आरती चौधरी, डॉ. योगिता ठाकरे, डॉ. प्रतिभा काटकर, डॉ. माधुरी सिडाम, डॉ. अर्चना दुपारे, डॉ. निकीता निर्मळ सबोतच महाविद्यालयातील विद्यार्थी मोठ्या संख्येने उपस्थित होते. या कार्यक्रमाला श्री प्रदीप चव्हाण. श्री रियाज शेख व श्री ऋषिकेश बोधाने यांनी मोलाचे सहकार्य केले. राष्ट्रगीताने कार्यक्रमाची सांगता करण्यात आली.

            प्राचार्य,  यशवंत महाविद्यालय, वर्धा