ट्रक-दुचाकीच्या भीषण अपघातात दुचाकी चालक महिला गंभीर जखमी

चांदा ब्लास्ट प्रतिनिधी. अतुल कोल्हे

        देशपांडे पेट्रोल पंपाजवळ आज दुपारी दुचाकी आणि ट्रक यांच्यात झालेल्या भीषण अपघातात एका महिलेला गंभीर जखमी झाली आहे.

       मिळालेल्या माहितीनुसार, होंडा कंपनीची निळ्या रंगाची दुचाकी (क्रमांक MH ३४ CK ७८८० चालवत महिला शाळेतून परतत असताना ट्रकची जोरदार धडक बसली. भयंकर धडकेनंतर महिलेला जवळपास ५० फूट ओढत ट्रक घासत नेत राहिला.

आनंदवन चौक देशपांडे पेट्रोल पंप जवळ हीं धक्कादायक घटना घडल्याने चौकातील वाहतूक काही काळ ठप्प झाली. अपघातामध्ये कोल्हे परिवारातील सदर महिला असून ती गंभीर जखमी झाली आहे, तिला तातडीने उपजिल्हा रुग्णालयात दाखल करण्यात आले. अपघाताची माहिती होताच पोलीस तातडीने घटनास्थळी दाखल झाले असून पुढील तपास सुरू आहे.