सांवगी मेघे पोलीसांनी ग्रामीण भागातून शेतीउपयोगी साहित्य चोरी करणाऱ्या अज्ञात आरोपीतांचा शोध घेवून गुन्हे उघडकीस
चांदा ब्लास्ट प्रतिनिधी. अविनाश नागदेवे
पोलीस स्टेशन सावंगी मेघे येथे फिर्यादी नितीन निळकंठराव सराडे रा. मांडवा, ता.जि. वर्धा यांनी त्यांचे शेतीच्या ओलीता करीता वैलबंडीच्या लोखंडी चाकावर डिझेलचे इंजिन लावलेले होते. ते डिझेल इंजीन खाली ठेवून बैलबंडीचे दोन लोखंडी चाके किं. 8,000/रू. चे दि. 26.08.2025 चे 17:00 वा ते दि. 27.08.2025 चे 10:00 वा दरम्यान कोणीतरी अज्ञात ईसमाने फिर्यादी यांचे शेतातून चोरून नेले. अशा फिर्यादीने दिलेल्या तोंडी रिपोर्ट वरुन अज्ञात आरोपी विरूध्द पो.स्टे. ला अप.क. 726/25 कलम 303 (2). 3 (5) वी.एन.एस. प्रमाणे नोंद आहे.
सदर घटनेचे गांभीर्य लक्षात घेवून मा. ठाणेदार श्री पंकज वाघोडे, साहेब पो. स्टे सावंगी यांचे प्रत्यक्ष मार्गदर्षनात पोलीस स्टेशन सावंगी मेघे येथील गुन्हे शोध पथक हे अज्ञात आरोपींचे व चोरीस गेलेल्या मालाचे शोधात असताना मुखबीरकडून मिळालेल्या माहितीवरून आरोपी नामे 1) शुभम सुभाषराव कुंभरे वय 29 वर्ष, 2) अतुल प्रकाश खंडाते वय 30 वर्ष, 3) धनंजय रमेशराव पेटकर वय 24 वर्ष 4) बंडु यादवराव वाघमारे वय 32 वर्ष सर्व रा. मांडवा, ता.जि. वर्धा. ताब्यात घेवून त्यांना गुन्हयाबाबत विचारपुस केली असता त्यांनी सदरचा गुन्हा केल्याबाबत पंचासमक्ष कबूली दिली असून त्यांचे ताब्यातून गुन्हयातील चोरीस गेलेला मुद्देमाल (बैलबंडीचे दोन लोखंडी चाक) जु.किं. 8.000/ रु. चा मुद्देमाल आरोपीतांकडून गुन्हयात जप्त करून गुन्हा उघडकीस आणलेला आहे.
सदरची कार्यवाही ही मा. पोलीस अधीक्षक अनुराग जैन साहेब, अपर पोलीस अधीक्षक सदाशिव वाघमारे साहेब, उपविभागीय पोलीस अधिकारी प्रमोद मकेश्वर साहेब, यांचे मार्गदर्शनात सहा. पोलीस निरीक्षक श्री पंकज वाघोडे सा, ठाणेदार पोलीस स्टेशन सावंगी मेघे व गुन्हे शोध पथकाचे पो.हवा संजय पंचभाई, अनिल वैद्य, निखील फुटाणे, हर्षवर्धन मून, अमोल जाधव, यांनी केलेली असून गुन्हयाचा पुढील तपास हेड कॉन्स्टेबल संजय पंचभाई हे करीत आहे.
