मंगी (बु) येथे उत्साहात पार पडली वाचन स्पर्धा

चांदा ब्लास्ट प्रतिनिधी. प्रा. अशोक डोईफोडे

 जिल्हा परिषद उच्च प्राथमिक शाळा, मंडी (बु) येथे 4 सप्टेंबर रोजी वाचन स्पर्धेचे आयोजन करण्यात आले. स्पर्धेत १ली ते ४थी व ५वी ते ८वीतील विद्यार्थ्यांनी उत्स्फूर्त सहभाग नोंदवत समजपूर्वक वाचन कौशल्य सादर केले.

विद्यार्थ्यांनी कथा व विविध साहित्यिक उतारे आत्मविश्वासाने वाचून दाखवले व त्यावर विचारलेल्या प्रश्नांची उत्तरे दिली. परीक्षकांनी उच्चारशुद्धता, गती, समजपूर्वक वाचन व सादरीकरण या बाबींवर गुणांकन केले. विद्यार्थ्यांच्या वाचनाचे कौतुक पालक व शिक्षकांनीही केले.

या स्पर्धेत प्रथम, द्वितीय व तृतीय क्रमांक मिळविणाऱ्या विद्यार्थ्यांना बक्षिसे देऊन गौरविण्यात आले. यामुळे विद्यार्थ्यांचा आत्मविश्वास वृद्धिंगत झाला.

मुख्याध्यापक श्री. मारोती चापले सर यांनी सर्व विद्यार्थ्यांचे कौतुक करून दररोज समजपूर्वक वाचनाची सवय लावावी, असे आवाहन केले.

सदर वाचन स्पर्धा अंबुजा सिमेंट लिमिटेडच्या सी एस आर उपक्रमांतर्गत अंबुजा फाऊंडेशन शिक्षण विभागाच्या समन्वयक सरोज अंबागडे यांच्या मार्गदर्शनाखाली पार पडली. स्पर्धेचे आयोजन कम्युनिटी मोबेलायझर हर्षाली खारकर व पुस्तकपरी शैला मडावी यांनी केले.

या वेळी मुख्याध्यापक श्री. मारोती चापले सर व सर्व शिक्षक उपस्थित होते.