अवैधरित्या रेती उपसा सुरु असलेल्या रेती घाटावर धडक

चांदा ब्लास्ट प्रतिनिधी. अविनाश नागदेवे

दिनांक २९.०३.२०२४ रोजी रात्री दरम्यान पोलीस स्टेशन देवळी हददतील मौजा टाकळी (चना) येथील सोनेगाव बाई रेती डेपोच्या नावावर गौण खनिज (रेती) चा अवैध रेती उपसा सुरु असल्याच्या माहितीवरुन मा. जिल्हाधिकारी, वर्धा व मा. पोलीस अधीक्षक, वर्धा यांनी स्वतः त्यांचे नेतृत्वात उपविभागीय दंडाधिकारी, वर्धा, सहायक पोलीस अधीक्षक तथा उपविभागीय पोलीस अधिकारी, पुलगाव, तहसिलदार देवळी, ठाणेदार देवळी तसेच पोलीस अधीक्षक वर्धा यांचे विशेष पथकातील अधिकारी व अंमलदार यांचेसह अवैधरित्या गौण खनिजाचा उपसा सुरु असलेल्या रेती घाटावर रेड कारवाई केली असता सदर ठिकाणी रात्रीचे वेळी नियमबाहय अवैधरित्या इंजिन बोट, पोकलैंड मशिन व जेसिबीच्या सहायाने गौण खनिज (रेती) चा उपसा सुरु असल्याचे आढळुन आले तसेच उपसा केलेल्या रेतीची अवैधरित्या वाहतुक करण्यासाठी टिप्पर व हायवा ट्रक मध्ये रेती भरलेली मिळुन आली.

मौजा टाकळी (चना) येथील सोनेगाव बाई डेपो क्रमांक ३ हा गुरुकृपा फलाय अंश कंपनी प्रो. प्रकाश पांडुरंग सुरकार, रा. राधाकृपा चौक, राणडे प्लॉट, रामनगर, वर्धा याचे नावे असून त्यांनी सदर ठिकाणी नियमबाहय गौण खनिजाचे उत्खणन करुन ती डेपोमध्ये जमा न करता परस्पर चोरटी वाहतुक करुन शासनाची फसवणुक करीत महसुल कागदपत्रात फेरफार करुन शासनाचा महसुल चुकवून स्वतःचे आर्थिक फायदयाकरीता रेतीची चोरी करीत असल्याचे आढळुण आल्याने

सदर ठिकाणी मिळुन आलेले १) रेतीने भरुन असलेले ४ टिप्पर, २) रेतीने भरुन असलेला एक हायवा ट्रक, ३) दोन ट्रक्टर, ४) एक जेसिबी मशिन, ५) एक पोकलैंड मशिन, ६) एक इंजिन बोट, ७) रेती विक्रीचे नगदी ४९,८००/- रुपये, ८) ११ मोबाईल हँडसेट असा एकुण २,१५,११,८००/- (दोन कोटी पंधरा लाख अकरा हजार आठशे रुपये) चा मुददेमाल जप्त करण्यात आला असून आरोपी नामे १) प्रकाश पांडुरंग सुरकार, रा. रामनगर, वर्धा, २) संतोष नवरंगे, रा. कारला चौक, वर्धा, ३) सचिन गोविंदराव पाल, रा. शिरसमुद्रपूर, ता. सेलू, ४) नरेंद्र नवनाखे, रा. कारला चौक, वर्धा, ५) बाबाराव चोखोबाजी कांबळे, रा. बोरगाव मेघे, वर्धा, ६) अमर काळे, रा. सिंदी मेघे, वर्धा, ७) अशोक दामाजी कुरसंगे, रा. इंदिरा नगर, वर्धा, ८) रविंद्र दिपक लव्हाळे, रा. खरांगणा गोडे, ९) अभिषेक ढवळे, रा. आर्वि नाका, वर्धा, १०) राहुल साटोणे, रा. वर्धा, ११) जयेंद्र जगदिश तकोडीया, रा. शिवणी, छपरा (म.प्र.), १२) रवि महादेव आत्राम, रा. राळेगाव, जि. यवतमाळ, १३) विनोद भोकरे, रा. राळेगाव लोणी, जि. यवतमाळ, १४) विहेंद्र सावनाहार तकोडीया, रा. शिवणी, छपरा (म.प्र.), १५) योगेश, रा. मोहदा, ता. राळेगाव, जि. यवतमाळ, १६) दिपक बिलसू उईके, रा. शिवणी, छपरा (म.प्र.), १७) शैलेश प्रभाकर डोनालकर, रा शिरसगाव धनाडे, जि. वर्धा, १८) राहुल तुळशिराम वाघमारे, रा. पारडी चाकुर, जि. वर्धा, १९) सत्येंद्र अनिललाल ईनवाती, रा. सुराडोंगरी, ता. धाणोरा, जि. शिवणी, (म.प्र.), २०) विजय अरुन डवरे, रा. आर्वी नाका, वर्धा, २१) टिप्पर क्रमांक एमएच-३१/सीबी-९७७१ चा चालक (फरार) यांचे विरुध्द पोलीस स्टेशन, देवळी येथे भादंविचे कलम ३७९, ४२०, ४६७, ४७१, १२० (ब) सहकलम ४८ (ब) महाराष्ट्र जमिन महसुल अधिनियम १९६६ सहकलम ३ (१), १८१, १३०, १७७ मोवाका. अन्वये गुन्हा नोंद करण्यात आला आहे.

सदरची कामगिरी मा. जिल्हाधिकारी, वर्धा श्री राहुल कर्डीले, मा. पोलीस अधीक्षक, वर्धा श्री नुरुल हसन यांचे नेतृत्वात उपविभागीय अधिकारी, वर्धा दिपक करंडे, सहायक पोलीस अधिक्षक तथा उपविभागीय पोलीस अधिकारी, पुलगाव राहुल चव्हाण, तहसिलदार देवळी दत्ता जाधव, ठाणेदार पोलीस स्टेशन, देवळी सार्थक नेहते, पोलीस अधीक्षक यांचे विशेष पथक प्रमुख सहा. पोलीस निरीक्षक मंगेश भोयर, पोलीस अंमलदार रोशन निंबोळकर, सागर भोसले, कैलाश वालदे, प्रदिप कुचनकर, संदिप गावंडे, सुगम चौधरी, शुभम बहादुरे तसेच पोलीस स्टेशन, देवळी व पो.मु. वर्धा येथील अंमलदार यांनी केली.