कृषी महाविद्यालयातील नवप्रवेशीत विद्यार्थ्यांचा स्वागत सोहळा उत्साहात
चांदा ब्लास्ट प्रतिनिधी. प्रा. अशोक डोईफोडे
डॉ. पंजाबराव देशमुख कृषी विद्यापीठ अकोला संलग्नित, इन्फंट जीजस सोसायटी संचालित कृषी महाविद्यालय गडचांदूर (खिर्डी) येथे नव्याने सुरू करण्यात आलेल्या कृषी महाविद्यालय येथे नवप्रवेशीत विद्यार्थ्यांचा स्वागत सोहळा उत्साहात पार पडला.
या सोहळ्यात वक्त्यांनी कृषी शिक्षणाचे महत्व अधोरेखित करत विद्यार्थ्यांना नवीन संधींचा लाभ घेण्याचे आवाहन केले. आधुनिक तंत्रज्ञान, शाश्वत शेती पद्धती व संशोधनाच्या माध्यमातून विद्यार्थ्यांनी कृषी क्षेत्रात नवीन पर्व घडवावे, अशी अपेक्षा व्यक्त करण्यात आली.
यावेळी कार्यक्रमाच्या अध्यक्षस्थानी संस्थेचे संस्थापक माजी आमदार सुभाष धोटे उपस्थित होते. तर प्रमुख अतिथी म्हणून तुकाराम पवार, राजीव गांधी अभियांत्रिकी महाविद्यालय, चंद्रपूर चे प्राचार्य डॉ अनिल चिताडे, विठ्ठलराव थिपे, सुभाष गोरे, नोगराज मंगरूळकर, पंकज पवार आदी मान्यवर उपस्थित होते.
यावेळी संस्थेचे अध्यक्ष अभिजीत धोटे, दत्ता जाधव, श्रीजा मॅडम, विकास बोरकुटे यासह प्राध्यापकवर्ग, पालकवर्ग व विद्यार्थी मोठ्या संख्येने उपस्थित होते.
