घरगुती भांडणातून कुऱ्हाडीने प्राणघातक हमला
३ आरोपी विरोधात गुन्हा दाखल
चांदा ब्लास्ट प्रतिनिधी. अशोक डोईफोडे
घरगुती भांडणातून कुऱ्हाडीने प्राणघातक हमला होऊन २ जण जखमी झाल्याची घटना देऊळगाव राजा येथील रहेमत नगर येथे ७ सप्टेंबर रोजी दुपारी दोन वाजता घडली. पोलिसांनी या प्रकरणी ३ आरोपी विरोधात गुन्हा दाखल केला आहे. सविस्तर वृत्त असे की,
फिर्यादी असलम शहा खलील शहा रा साखरखेर्डा व त्याची पत्नी यांच्यात घरगुती कारणावरुन मागील तिन वर्षापासुन भांडण झगडा असुन दिनांक 07/09/2024 रोजी फिर्यादीचे सासरे यांनी फोनवर फिर्यादी यांना त्याचे पत्नी व मुलास भेटण्यासाठी देउळगावराजा येथे बोलावले असता आरोपी निझाम शहा महेमुद शहा, अतीक शहा निझाम शहा, व अदील शहा निझाम शहा सर्व रा रहेमतनगर, देऊळगाव राजा यांनी संगणमत करुन फिर्यादी चा भाउ अफजल शहा यास आरोपी ने कु-हाड डोक्यात मारुन जख्मी केले. उजव्या हाताचे कोणीवर मारुन जखमी केले. फिचे वडील खलील शहा यांना आरोपी ने काठीने मारहाण करुन शिवीगाळ केली व जिवाने मारण्याच्या
धमकी दिली,पोलिसांनी आरोपी विरोधात गुन्हा दाखल केला असून पुढील तपास पोलीस निरीक्षक संतोष महल्ये यांच्या मार्गदर्शनाखाली पोलिस हेड कॉन्स्टेबल नायबराव मोगल करीत आहे.