देऊळगाव मही येथील मूकबधिर विद्यालय येथे ब्रह्मकुमारी विद्यालयातर्फे विद्यार्थ्यांना मार्गदर्शन

चांदा ब्लास्ट प्रतिनिधी. प्रा. अशोक डोईफोडे

   प्रजापिता ब्रह्मकुमारी ईश्वरीय विश्वविद्यालय देऊळगाव राजा तर्फे संत ज्ञानेश्वर निवासी अपंग व मूकबधिर विद्यालयात देऊळगाव मही येथे महाराष्ट्र दिव्यांग समानता संरक्षण आणि सक्षमीकरण मोहिमेअंतर्गत विशेष कार्यशाळेचे आयोजन करण्यात आले होते. या कार्यक्रमाचे उद्घाटन अपंग विद्यालयाच्या मुख्याध्यापिका कुलकर्णी मॅडम यांच्या हस्ते करण्यात आले. व्यासपीठावर मूकबधिर विद्यालयाचे मुख्याध्यापक सुलतानेसर, ब्रह्मकुमारी देऊळगाव राजा केंद्राच्या बीके देवकलादिदिजी यांची प्रमुख उपस्थिती होती.

कार्यक्रमाचे प्रमुख पाहुणे म्हणून अशोक कोटेचा ,अरविंद शिंगने यांची उपस्थिती होती. तसेच राजस्थान माउंट आबू येथून आलेले बीके सूर्यप्रकाश यांनी व्हिडिओच्या माध्यमातून, विविध खेळाच्या ऍक्टिव्हिटीच्या माध्यमातून, विद्यार्थ्यांची मानसिक एकाग्रता वाढविण्याची क्षमता, विकसित करण्याचे तंत्र वेगवेगळ्या खेळाच्या माध्यमातून सांगण्यात आले. ह्या कार्यक्रमामुळे दिव्यांग मुलांचे मनोबल जिज्ञासा नक्कीच वाढेल असा त्यांनी विश्वास व्यक्त केला. देऊळगाव राजा ब्रह्मकुमारी केंद्राच्या संचालिका बीके सुनंदा दीदी यांच्या प्रयत्नातून ह्या कार्यक्रमाचे आयोजन करण्यात आले होते.

या कार्यक्रमासाठी बुलढाणा येथून आलेले बीके सुशांत, संतोष, विजय तसेच देऊळगाव राजा येथून बीके प्रल्हाद ढोरे, राजपूत, सुभाष भाई, पुरुषोत्तम शिंगणे,विमलताई, यांनी विशेष मेहनत घेतली. त्याचप्रमाणे विभागानुसार विद्यार्थ्यांचे नंबर काढून त्यांना प्रोत्साहन पर बक्षीस देऊन त्यांचा आनंद द्विगुणित करण्यात आला. अपंग आणि मूकबधिर विद्यालयाच्या सर्व शिक्षकांनी ह्या कार्यक्रमांमध्ये सहभाग घेऊन मोलाचे सहकार्य केले.